დამონტაჟებულია სცენები, იშლება კარვების ქალაქი მიმდინარეობს სარეგისტაციო ზონის მონტაჟი. ზემოთაღნიშნული სამუშაოების დათვალიერების საშუალება ჟურნალისტებს სპეციალურად გამართულ მედიატურზე მიეცათ.
გასული წლისგან განსხვავებით, წელს ფესტივალის ორგანიზატორებმა ხარვეზების აღმოფხვრაზე იმუშავეს და სპეციალურად მოწყობილ "კარვების ქალაქში" ჩრდილების მოწყობაზე იზრუნეს. აგრეთვე მოეწყობა კომფორტული საშხაპეები და ნივთების შესანახი სპეციალური ჩამკეტის მქონე ყუთები.
როგორც ფესტივალის
რაც შეეხება წლევანდელ მუსიკალურ პროგრამას, ანაკლიაში 10 აგვისტოდან 14 აგვისტოს ჩათვლით ელექტრონული მუსიკის წამყვანი არტისტები ხუთ სცენაზე დაუკრავენ. ოთხდღიანი ფესტივალის პირობებში, გარდა მუსიკალური სანახაობისა, სხვა ღონისძიებებიცაა დაგეგმილი - იქნება ეს სპორტული თუ სხვა ტიპის აქტივობა.
აღსანიშნავია ისიც, რომ ანაკლიაში 25 მილიონი დოლარის ღირებულების აპარატურა უკვე მონტაჟდება, რაც იმას ნიშნავს, რომ ელექტრნული მუსიკის მოყვარულებს კარგი ჟღერადობის გარანტია ნამდვილად ექნებათ. გასული წლის მსგავსად, წელს უსაფრთხოების ზომები ასევე განსაკუთრებულად იქნება დაცული.
საგულიხმოა, რომ ფესტივალის ფარგლებში ანაკლიაში უკვე დაჯავშნილია ყველა დიდი და საოჯახო სასტუმრო. როგორც გიორგი სიგუამ ჟურნალისტებს განუცხადა, მომდევნო წელს "ჯემ ფესტი" ერთ თვეს გასტანს, რაც მისი ვარაუდით, დამსვენებელთა რაოდენობას მნიშვნელოვნად გაზრდის.
