რამდენიმე დღის წინ ლიზა ყენიას სტატუსს, სადაც წერდა, რომ სტანისლავ ბონდარენკოს არ უნდა მოეგო ''ცეკვავენ ვარსკვლავები'' და გამარჯვება ყველაზე მეტად ჯანო იზორიას სჭირდებოდა, რადგან თბილისში ბინა არ აქვს, სოციალურ ქსელში აზრთა სხვადასხვაობა გამოიწვია.
ლიზა ბევრმა გააკრიტიკა და აღნიშნა, რომ ეს უბრალოდ პროექტია და რომ გამარჯვებული ის უნდა გახდეს, ვინც ყველაზე კარგად ცეკვავს.
სკანდალს თავად ჯანო იზორია შემდეგი სტატუსით ეხმაურება:
'' იცით ჩემი მაესტრო პროფესიასთან ერთად გვასწავლიდა, როგორ არ შეიძლება წარმატებამ არ გაგახელოს, ამის მაგალითი თავად
ბატონი რეზო ჩხეიძე იყო, კაცი რომელმაც გენიალური ფილმი ''ჯარისკაცის მამა'' შექმნა. ის იყო ჩემთვის მაგალითი, როგორ შეიძლება, გიყვარდეს ისიც კი, ვისაც არ უხარიხარ. თუმცა ამის სწავლა შეუძლებელია, ისევე როგორც სიძულვილის. ეს ადამიანში დაბადებიდან იკვეთება, მაგრამ სიკეთეზე და სიყვარულზე მეტი არაფერი შეუქმნია ღმერთს.
მოდით და როგორც გენიალური ნოდარ დუმბაძე იტყოდა ადამიანებო, გვიყვარდეს ერთმანეთი.
უფრო მოტივირებული გავხდი, უფრო შემიყვარდით და უფრო ვეცდები, რომ ადამიანებში სითბოთი დავიმკვიდრო თავი.
მიყვარხართ!
პ.ს. ეს ყველაზე დიდი გამარჯვება იქნება''.
