ცირა კობიაშვილის დედა, ჟურნალისტი თათია პაჭკორია სოციალურ ქსელში სტატუსს აქვეყნებს, საიდანაც ირკვევა, რომ ამერიკაში ''ვაშინგტონ პოსტის'' ჟურნალისტმა და ''ვოგის'' რედაქტორი სტეფანია მენსფილდი ცირას მონაცემებით დაინტერესდა.

თათიას თქმით ყველაფერს გააკეთებს, რომ ცირამ ახალი შანსის გამოყენება შეძლოს.

''ისე რა არის ცხოვრება გუშინ სიცოცხლე არ მინდოდა ისეთი გუდაწყვეტილი ვიყავი.... თავი ძლიერი მეგონა, მაგრამ არა ძალიან დავითრგუნე....რაღაც შანსი მაინც გააჩინა ამ პროექტმა, შესაძლოა დიდი შანსიც, შესაძლოა არც არაფერი, მაგრამ ადამიანი გაგანადგურებს და ადამიანი გიშველის....

ნახევარი საათის წინ ჩემს მეილზე წერილი მოვიდა. ბედნიერი ვარ, რომ ამერიკის შეერთებული შტატებიდან იუთუბზე ცირას ვიდეობის ნახვის შემდეგ ასეთი შეფასება მივიღეთ.... ყველას დიდი მადლობა... მიყვარხართ ძალიან.

დიდი მადლობა მეგობრებო, ქართველებო... ხომ იცით თქვენი დამოკიდებულება ჩემთვის ყველაზე მნიშვნელოვანია და ამიტომ ამ წერილმა იმდენი სიცოცხლე მომიმატა, რაც გასული 2 დღეა დამაკლდა...

არაფერი არ ღირს ადამიანებო იმ ბოღმის ნიაღვრად, რამაც ერთი კონკურსის შემდეგ კინაღამ წაგვლეკა. ცხოვრებაში არავის ადგილი არ დამიკავებია და არც ჩემი შვილი დაიკავებს....

ყველას თავის ტაში აქვს და ამ ტაშისთვის დაუზოგავი შრომაა საჭირო.... დიდი მადლობა ვაშინგტონში მცხოვრებ ქართველებს, რომელთაც ჩემი მეილი მიაწოდეს სტეფანია მანსფილდს... დიდი მადლობა მას. ყველაფერს გავაკეთებ თანხის მოსაძიებლად რომ ვცადოთ ბედი....აუცილებლად უნდა ვცადოთ''.

შეგახსენებთ ''იქს ფაქტორში'' ცირა კობიაშვილის გამოსვლას, მასა და სოფო ნიჟარაძეს შორის დაპირისპირება მოჰყვა.