პროექტი ბევრი რამის გამო გახლდათ სკანდალური, ის პირველი რეალური შოუ გახლდათ ქართულ ტელესივრცეში, მისი გმირებიდან კი უმეტესობა ეპატაჟური საქციელით ცდილობდა ყურადღების მიქცევას.
მართალია, პროექტის გამარჯვებული სანდრო ჟღენტი გახდა, მაგრამ მასთან მებრძოლი ნატა გულიაშვილი, უფრო მეტს ადამიანს დაამახსოვრდა.
ნატა თავიდანვე სკანდალური პერსონა გახლდათ. ის ერთადერთი აღმოჩნდა პროექტის მონაწილეებიდან, ვინც
პროფესიით მსახიობს, სამსახურის მხრივ არ გაუმართლა. არც ''პროფილმა'' უშველა, სადაც თავის საყვარელ რუს მსახიობს სერგეი ბეზრუკოვს კინაღამ შეახვედრეს.
ყოველ შემთხვევაში სერგეიმ ნატას შორიდან მოკითხვა შემოუთვალა და არ გამორიცხა, რომ ოდესმე ერთმანეთს შეხვდებოდნენ. იმედგაცრუებული ნატა ბოლოს თურქეთში წავიდა და დიდი ხნის მანძილზე სასტუმროში ანიმატორად მუშაობდა.
ალბათ მკითხველს აინტერესებს რატომ გაგვახსენდა ახლა ნატა გულიაშვილი, მაგრამ სოციალურ ქსელში მის აქტიურობას რომ დააკვირდებთ, ნატას მაგიერ შორენა ბეგაშვილი გაახსენდებათ.
გულიაშვილი, რომელიც შორენას მსგავსად საკუთარ გვერდზე დაუსრულებლად აქვეყნებს საკუთარ სექსუალურ სურათებს, წერს ''მჭირდება მოდელი გოგონები, უცხოეთში წასაყვანად'' . როგორ ჩანს, აპირებს ამჯერად დამწყებ მოდელებს გაუკვალოს გზა დიდ მოდაში.
ცნობილების მხრიდან ტუჩებგამობრუცული ფოტოების დადებას, უკვე შევეჩვით, მაგრამ შორენა ბეგაშვილობა ჯერ კიდევ ახალი ხილია. ამ რისკზე ხომ აქამდე მხოლოდ კესარია აბრამიძე წავიდა და სხვათაშორის იმდენად დაემსგავსა სექსსიმბოლოს, რომ ბევრი იმასაც აღნიშნავს, რომ ოპერაციის შემდგომი კესარია შორენაზე სექსულურად გამოიყურება.
სალომე დადიანი
სპეციალურად ''რეიტინგის'' საიტისთვის
