„ევროვიზიამ“ ხმის მიცემის წესები შეცვალა, გამარჯვებულის გამოსავლენად ყველა ქვეყნის სპეციალურად შერჩეული ჟიური ხმას აძლევდა კონკურსანტებს.
მაყურებლის გადაწყვეტილებით გამარჯვებული რუსეთი იქნებოდა, თუმცა ამჯერად როდესაც მაყურებლის ხმებს კომპეტენტური ჟიურის ხმებიც დაემატა, გამარჯვება უკრაინას ერგო და მომდევნო წელს „ევროვიზიის“ კონკურსი უკრაინაში ჩატარდება.
სერგეი ლაზარევს დარბაზში ამხნევებდა და გულშემატკივრობდა ფილიპ კირკოროვი.
კონკურსის შემდეგ მომღერალმა ფილიპ კირკოროვმა განაცხადა, რომ
მისი თქმით კმაყოფილია გამოსვლით და ქულებით, რომელიც ლაზარევმა მიიღო. „მთელმა ევროპამ ხმა მისცა რუსეთს“, აღნიშნა კირკოროვმა.
„ხმის მიცემის წესები რომ არ შეეცვალათ გამარჯვებული აუცილებლად ლაზარევი გახდებოდა“.
კირკოროვს და ლაზარევს ჰკითხეს მათი აზრი ჯამალას ნომერზე, რომელიც გამარჯვებული გახდა.
„ის გამარჯვებულია“ ხაზგასმით აღნიშნა კირკოროვმა.
ლაზარევმა კი შეაქო ჯამალა შესრულებისთვის და საინტერესო ნომრისთვის.
საქართველო წელს საუკეთესო ათეულს მიღმა დარჩა და მე-20 ადგილს დასჯერდნენ. თუმცა ჩვენ შეგვიძლია ვიამაყოთ, რომ დიდი ბრიტანეთის ჟიურიმ 12, უმაღლესი ქულა ქართველებს მისცა.
