"დიდი მადლობა, ეს სიტყვები არ არის საკმარისი იმ მადლიერების გამოსახატავად, რომელსაც ქართველი ხალხის მიმართ ვგრძნობ. ამიტომ მხოლოდ მადლობას არ დავჯერდები, ეს ვალია, რომლის გადახდასაც მთელი ცხოვრების განმავლობაში შევეცდები", - განაცხადა ჩოპრამ.
მისი განცხადებით, საქართველოში გატარებული დღეები სიზმარს ჰგავს და გული სწყდება, რომ პროექტის დატოვება ჯანმრთელობის მდგომარეობის გაუარესების გამო მოუწია.
"მინდოდა
სამშობლოში გამგზავრებამდე, ჩოპრამ თბილისში გაისეირნა და ის ადგილები დაათვალიერა, რომლებიც მისი თქმით ძალიან მოენატრება.
"აქ გატარებული დრო ჩემთვის სიზმარივით არის. როცა სახლში დავბრუნდები ალბათ უკეთ გავიაზრებ ყველაფერს, რაც აქ გადამხდა. აჭარული ცეკვა სწრაფად ვისწავლე, იმიტომ, რომ განსაკუთრებულად მოტივირებული ვიყავი, ამ ცეკვამ დიდი სიხარული მომანიჭა, რადგან თითოეული მოძრაობით ვცდილობდი მეთქვა თუ როგორ მიყვარს და როგორი მადლიერი ვარ ქართველი ხალხის", - აღნიშნავს ვარსკვლავი. მეორე სამშობლოში, საქართველოში აუცილებლად დავბრუნდებიო, აღნიშნა ტელეკომპანია "იმედთან" ინტერვიუში გორავმა.
აღსანიშნავია, რომ გორავმა ქართულ ტურში მაყურებლის დიდი მოწონება დაიმსახურა და მეორე ადგილას გავიდა.
