''რას ერჩი შენ რესტორნის მომღერლებს? თმას დაგაწიწკნიდი მალიბუს შეფასების გამო, იქ რომ ვმჯდარიყავი'' მიმართა ინგა გრიგოლიამ ნიკა გვარამიას ფეისბუქზე მას შემდეგ რაც ''იქს ფაქტორში'' ნიკამ პროტესტის ნიშნად ჟიურის ადგილი დატოვა და თქვა, რომ გაბუნიამ რესტორნის მომღერალზე გააკეთა არჩევანი, როდესაც მალიბუ დატოვა პროექტში და მარიამ აკობია გაუშვა. 

სოციალურ ქსელში ნიკას ბევრი კრიტიკოსი გამოუჩნდა, რის შემდეგაც ნიკამ სოციალურ ქსელში შემდეგი სტატუსი დაწერა.

''რაც შეეხება რესტორნულ ნამღერს:

1. რესტორანი სცენაზე არის კატასტროფა და უგემოვნება

2. ქართული რესტორნული მუსიკა არის უმდარესი, მათ შორის, კარგი მომღერლების შესრულებით. რაკი საქართველოში სხვა გამოსავალი არაა, ფული შეიძლება და უნდა აკეთო და თავი გადაირჩინო. მაგრამ რესტორნის ესთეტიკა სცენაზე არ უნდა გადმოიტანო და სცენაზე დგომა თუ გინდა, უნდა შეძლო ზღვარის დაჭერა.

3. სიმღერა რესტორანში საბჭოთა და ზღვის კურორტების ნოუჰაუა. ნორმალურ ქვეყნებში, სადაც ჭამენ, იქ არ მღერიან (ნუ ბრაიტონის რუსულ რესტორნებს თუ არ ჩავთვლით, სადაც ლუბა უსპენსკაია მღერის და საეჭვო დონის ბერძნულ ბუზუკებს). მღერიან კლუბებში, სადაც სვამენ და მუსიკის მოსასმენად და გასართობად მოდიან

4. ყველა დიდმა მომღერალმა ზუსტადაც კლუბში დაიწყო კარიერა. კლუბში, და არა რესტორანში. ვარსკვლავები სიგარეტის კვამლში და ვისკის სუნში იბადებიან და არა მწვადის შიშხინში და ხინკლის ოხშივარში.''