ეს ინფორმაცია, შოუს პროდიუსერმა ნოე სულაბერიძემ ნიჟარაძეს ''ფეისბუქის'' პირად გვერდზე გამოუქვეყნა და დაუწერა, ''ორი დღით დავაგვიანე შეპირებული ნიუსის დადება. სოფო ნიჟარაძე იცეკვებს ''ცეკვავენ ვარსკვლავების'' მესამე სეზონში.I'm proud (ამაყი ვარ)'' .
ნოე სულაბერიძის სტატუსს, სოფოს თაყვანისმცემლების სიხარული მოჰყვა. ''ეს ამბავი პროექტს აშკარად საინტერესოს გახდის'' , - წერს ნანუკა
''ყველაზე მაგარი ამბავია, რაც ბოლო კვირების მანძილზე შევიტყე'' , ''მისი ეს ნაბიჯი მეტყველებს მის თავმდაბლობაზე, მაგარი ხარ სოფ, სწორი გადაწყვეტილებაა! ჟიურის წევრი სკამიდან დგება და კონკურსანტად მიდის. ყოჩაღ'' - აკომენტარებს ერთ-ერთი მომხმარებელი.
''სასიამოვნოა და საინტერესო ძალიან, მაგრამ ''ამაყი'' რატომ ხარ, ანგელა მერკელი დაითანხმე?'' - ნოეს სტატუსს გამოეხმაურა ''მის საქართველო 2010'' დეა არაყიშვილი.
''არ მგონია მერკელის დათანხმების მცდელობა ნოეს ჰქონოდა, თორემ მასაც დაითანხმებდა. თუმცა არ იყო ამის აუცილებლობა. ესთეტიურად არ გამოიყურება.
არც მსგავს შოუებს უხდებიან მსგავსი გარეგნობისა და გაბარიტების პოლიტიკოსი ქალები, თორემ ჩვენი ''მერკელების'' - ბესელიასა და ხიდაშელის დათანხმება უფრო ადვილი იქნებოდა'' - პასუხობს ვინმე თეა გაბრიჩიძე დეა არაყიშვილს.
დეა არაყიშვილს ამ კომენტარის გამო სულ ბოღმა ეძახეს და აღნიშნეს, რომ სოფოს სათანადოდ არ ვექცევით და ვაფასებთ.
გთავაზობთ დეა არაყიშვილის საინტერესო კომენტარებს ამ სტატუსთან დაკავშირებით.
''ძალიან კარგია, მაგრამ არ მგონია, მე რამე ამის საპირისპირო მეთქვას, უბრალოდ ამდენი რევერანსები სოფოს მიმართ გამიკვირდა.. ესაა და ეს''
''ყველა საპირისპირო აზრის ბოღმად მონათვლა უკვე გაცვეთილი მეთოდია. ისე, მაგაში გეთანხმებით, ხშირად ჩვენსას არ ვაფასებთ, არ ვიცი, იქნებ მე ვერ ვწვდები სოფოს განუმეორებლობას'' .
სალომდე დადიანი
სპეციალურად ''რეიტინგის'' საიტისთვის
