
გერმანელმა ლაივ არტისტმა პოლ კალკბრენერმა მთავარი როლი შეასრულა საკულტო ფილმში Berlin Calling, რომელიც იმ წლის ჰიტად,სწორედ საუნდტრეკების გამო იქცა. ფილმის ყველა საუნდტრეკი პოლმა დაწერა, ერთ ტრეკში კი ძმა დაიხმარა და ასე შეიქმნა Sky
ჰოლანდიელი არტისტი ფედე ლე გრანი ისეთი ფესტივალების ყოველწლიური ჰედლაინერია, როგორებიცაა, UMF, TomorrowLand, Sensation, Coachella.
2007 წლის შემდეგ ჰოლანდიელი არტისტი ყოველწლიურად ხდება DJ Mag-ის გამოკითხვებში სოლიდურ პოზიციაზე და არ კარგავს აქტუალურობას Edm სცენაზე. Le Grand თავის სფეროში ერთ-ერთ ყველაზე წარმატებულ რემიქსერად ითვლება, რადგან მას რემიქსები აქვს ისეთი არტისტებისთვის გაკეთებული, როგორებიც არიან Coldplay, Michael Jackson და ა.შ.
Gem fest - ის ჰედლაინერების დასახელება გრანდიოზული ფოიერვერკითა და ორიგინალური ლაზერ შოუთი აღინიშნა, რომელსაც 1000-ზე მეტი Gem fest-ის თაყვანისმცემელი დაესწრო, რათა პირველებს გაეგოთ,თუ ვინ ეწვევა წელს ჩვენს ანაკლიას."არტარეაში" გამართულ პრესკონფერენციაზე კარვების ქალაქთან ერთადGem fest-ის სამოსის შოურუმი მოეწყო.
Gem fest 2016 ანაკლიაში,10-14 აგვისტოს ჩათვლით გაიმართება და ის ხელს შეუწყობს საერთაშორისო დონეზე ქვეყნის იმიჯის ამაღლებას,ინვესტიციების შემოდინებას,ინფრასტრუქტურისა და ეკონომიკის განვითარებას,ასევე მოსახლეობის დასაქმებასა და მათი შემოსავლების ზრდას.