''რეიტინგის'' საიტზე ია ფარულავაზე დადებულ ნებისმიერ სიახლეს, ხალხის გარკვეული ნაწილიდან უარყოფითი კომენტარების ტალღა მოჰყვება. კომენტარების შინაარსი ერთი და იგივეა, რასაც არ უნდა წერდე მსახიობზე.
უარყოფითი კომენტარების შინაარსი კი ძირითადად მისი და ფადი ასლის თანაცხოვრების პერიოდს ეხება.
რა თქმა უნდა, არ ვამტკიცებთ, რომ ია სხვადასხვა საიტზე გამოქვეყნებულმა კომენტარებმა გააბრაზა, თუმცა ფაქტია, რაც ინფორმაცია გავრცელდა, რომ ''ნიჭიერის'' ჟიურიში იქნება, მისი მტრები ამან უფრო გააბრაზა.
ეტყობა, დღეს შურიანი ადამიანების შემოტევა იგრძნო იამ და მათ ლექსიც მიუძღვნა, რომელშიც ტრადიცია არ დაარღვია და გინებაც ჩართო, მოგეხსენებათ, ფარულავა საჯაროდ უწმაური სიტყვების გამოყენებას არ ერიდება...
''ჰეი, თქვენ შურიანებო, გაუმაძღრებო ბოღმითა, თქვენს კოშმარებში მოსვლა და თქვენი დ... ტ... მომინდა. მხოლოდ შურიანებმა დაწერეთ კომენტარი, დანარჩენებმა კი დაალაიქეთ'' _ წერს მსახიობი და ტელეწამყვანი.
რასაკვირველია, სტატუსს უმარავი ადამიანი გამოეხმაურა, ზოგი იას მჭევრმეტყველებას უწონებდა. ზოგისთვის კი ეს გამაღიზიანებელი აღმოჩნდა, ერთ-ერთმა მომხმარებელმა კი იას მისი ცნობილი როლი ''სიყვარული ვენახში'' გაახსენა წარწერით, ''მოდი გავიხსენოთ დიდების წლები'' ... ყველასთვის გასაოცრად, ია ამ პროვოკაციას არ აჰყვა.
სალომე დადიანი
სპეციალურად ''რეიტინგის'' საიტისთვის
