არხის გენერალულ დირექტორთან, ნიკა გვარამიასთან, მოლაპარაკებები უკვე დასრულებულია. ეს ინფორმაცია იამ ერთ-ერთ სააგენტოსთან საუბარში დაადასტურა გავრცელებული ინფორმაციით, ია ფარულავა ''რუსთავი 2'' -ის სახე გახდა. ცოტა ხნის წინ, ია ამბობდა, რომ თუ დიდ თანხას გადაუხდიდნენ, ''ცეკვავენ ვარსკვლავების'' ჟიურის წევრობაზე დათანხმდებოდა.

მოგვიანებით, ნოე სულაბერიძემ თქვა, რომ არ აპირებდნენ იას შოუში მიწვევას. იას მომავალ სატელევიზიო სეზონზე ჟიურის წევრობა მაინც არ ასცდა.

ამჯერად ''რუსთავი 2'' -ში ''ნიჭიერის'' ჟიურის წევრად ვიხილავთ. არხის გენერალულ დირექტორთან, ნიკა გვარამიასთან, მოლაპარაკებები უკვე დასრულებულია. ეს ინფორმაცია იამ ერთ-ერთ სააგენტოსთან საუბარში დაადასტურა.

ია გასულ სატელევიზიო სეზონში ''იმედის'' სახე იყო. ''დღის შოუს'' დახურვის შემდეგ კი ''პირველ რადიოში'' მუშაობს. სავარაუდოდ, ''ნიჭიერში'' ია მისი სკანდალური და სამართლიანი იმიჯის გამო შეარჩიეს. ია ყველა გადაცემაში სითამამითა და პირდაპირობით ამახსოვრებდა მაყურებელს თავს.

ფარულავას ეპატაჟი შოუს რეიტინგზე ყოველთვის კარგად აისახება ხოლმე. ინფორმაციის გადასამოწმებლად იასთან დაკავშირება ვცადეთ, მაგრამ მობილური გამორთული ჰქონდა.

''ნიჭიერის'' ჟიურის წევრებთან დაკავშირებით ამბების გასაგებად, პროექტის გასული სეზონის ჟიურის ერთ-ერთ წევრს, გეგა ფალავანდიშვილს დავუკავშირდით. თუმცა, გეგამ ინფორმაციის დადასტურებისგან ჯერჯერობით თავი შეიკავა.

-  გეგა, გავრცელდა ინფორმაცია, რომ ია ფარულავა ნიჭიერში სოფო ნიჟარაძეს შეცვლის.
- ჯერ ვერაფერს გეტყვით. შეიძლება სოფოც იყოს ჟიურის წევრი.
- თქვენ კვლავ იქნებით ჟიურიში?
- ვერც ამ კითხვაზე გაგცემთ ზუსტ პასუხს.
- როდის გახდება ყველაფერი ცნობილი?
- ჯერ გადაცემის ჩაწერები არ დაგვიწყია. სავარაუდოდ, ათ დღეში ყველაფერი ცნობილი გახდება და ამ ინფორმაციას საჯაროს გავხდით.

სოფო ნიჟარაძე, ბოლო დროს სოციალურ ქსელში ძველებურად აღარ აქტიურობს. ამიტომ მისი კომენტარის მოპოვება და იმის გაგება, რას ფიქრობს იგი ფარულავას ჟიურის წევრობაზე, შეუძლებელი აღმოჩნდა.

სალომე დადიანი
სპეციალურად ''რეიტინგის'' საიტისთვის