ანრი ჯოხაძეს შობის დღეს მომღერალი ეთერ კაკულია გაახსენდა, რომელიც გასულ წელს გარდაიცვალა.
"წეღან საჭესთან მჯდომი რადიო ტალღებზე ვეძებდი რამე ჩემთვის საინტერესო მუსიკას და უცებ ერთ-ერთ ტალღაზე ჩემი ეთერ კაკულია მღეროდა...
ვუსმენდი ეთოს და მომინდა შობა მიმელოცა, ტელეფონისკენ ხელი წავიღე და გამახსენდა, რომ ის აღარ არის.
სიმღერის ბოლოს ვიგრძენი რომ თვალები ცრემლებით მქონდა სავსე, ალბათ ძალიან მომენატრა. ჩემო ეთო, სადაც არ უნდა იყო ახლა, გილოცავ შობის ბრწყინვალე დღესასწაულს!
