როგორც გავიგე, გვანცას არ უყვარდა ის ბიჭი, ის კი თავს არ ანებებდა, უკან დაჰყვებოდა, უთვალთვალებდა. ბოლოს კი ნახეთ, რაც მოხდა. უნივერსიტეტში მომხდარმა ამბავმა მთელი საქართველო შეძრა. ივ. ჯავახიშვილის სახელმწიფო უნივერსიტეტის სტუდენტი გვანცა ადამია უნივერსიტეტის მეორე კორპუსის მესამე სართულიდან გადმოაგდეს. როგორც ამბობენ, ბიჭი, რომელმაც ეს ჩაიდინა, გვანცას თანაკურსელი იყო და გოგონა უყვარდა.

''გვანცა, შენ უნდა გადარჩე, უფლის წყალობით ყველაფერი კარგად იქნება, შენ ჩვენთან იქნები'', - ამ წარწერით პრეზიდენტის ახალმა პაროდისტმა, ქართლოს ნატროშვილმა ფოტო გამოაქვეყნა ''ფეისბუქის'' საკუთარ გვერდზე, სადაც ის გვანცასთან ერთად არის გადაღებული.

- ქართლოს, გვანცას იცნობ?
- ჩემი ნათესავია, დედის მხრიდან... დათრგუნული ვარ.
- რას ამბობენ ექიმები?
- მდგომარეობა მძიმეა და თან სტაბილური. ღმერთის იმედი მაქვს!
- რაიმე იცი გვანცასა და იმ ბიჭის შესახებ?
- როგორც გავიგე, გვანცას არ უყვარდა ის ბიჭი, ის კი თავს არ ანებებდა, უკან დაჰყვებოდა, უთვალთვალებდა. ბოლოს კი ნახეთ, რაც მოხდა. გვანცას მეგობრები ამბობენ, რომ მოძალადე თვითონ ჩაბარდა პოლიციას.
- შეყვარებული თუ ჰყავდა გვანცას?
- არ ვიცი.
- ეს ფოტო როდის გადაიღეთ?
- მარტში, დეიდაშვილის დაბადების დღეზე ვიყავით ერთად.

ნინო მჭედლიშვილი

სპეციალურად ''რეიტინგის'' საიტისთვის