რატომ არ გკიდიათ, იმღერებთ თუ არა სახელისუფლებო კონცერტზე ქართველი მომღერლების ნაწილი როგორც წესი, ხშირად გამოთქვამს პროტესტს სახელისუფლებო კონცერტებში რომ არ იღებენ მონაწილეობას. როგორც ჩანს, არც წლევანდელი ახალი წელი იქნება გამონაკლისი. ამის შესახებ ჟურნალისტი ნანუკა ჟორჟოლიანი საკუთარ ფეისბუქზე წერს. ნანუკას თქმით პროტესტს ამჯერადაც ის მომღერლები გამოთქვამენ, რომლებიც ამ საკითხით ყოველთვის უკმაყოფილოები არიან. 

''ყოველ წელს შეიძლება იყოს ჩხუბი და სკანდალები თემაზე: ვინ იმღერებს ახალი წლის კონცერტზე?!
მომღერლების ერთი ნაწილი სად ჩარჩა? რომელ ეპოქაში? სადაც "გალუბოი აგანიოკს" მაღალი რეიტინგი აქვს? რატომ არ გკიდიათ, იმღერებთ თუ არა სახელისუფლებო კონცერტზე?!

შექმენით რამე ახალი. ჩაატარეთ სოლო კონცერტები და არ მითხრათ ახლა ფული არააო. რაც კარგია, რაც ახალია თავად წერს ფულს. შეიძლება ცოტას, მაგრამ წერს.

აღარ დამთავრდა დაბლოკილების თემა. იქნებ გეფიქრათ იმაზე რომ დაბლოკილები კი არა, არააქტუალურები ხართ. დრო დროზე ჩქარა რომ მირბოდა ის ამბავია და ვინც დროს ჩამორჩა, ის ყველაზე მეტს ყვირის. ვაახ'', წერს ნანუკა.

სალომე დადიანი