სავარაუდოდ, ახალდაქორწინებული წყვილი თაფლობის თვით ტკბება.  ''რეიტინგის'' სახელით ანის გაბედნიერებას ვულოცავთ ''ჩემი ცოლის დაქალების'' მსახიობი ანი ტყებუჩავა გათხოვდა. მართალია, ანის სიყვარულის ამბავი კარგა ხნის განმავლობაში ჟურნალისტებისთვის ცნობილი იყო, მაგრამ მსახიობი რჩეულის ვინაობას საგულდაგულოდ მალავდა.

''ახალი დაწყებულია ეს ურთიერთობა. ერთმანეთს დიდი ხანია ვიცნობთ, მეგობრების წრეში ვხვდებოდით, ნელ-ნელა ერთმანეთში აღმოვაჩინეთ ისეთი თვისებები, რომლებმაც მოგვხიბლა და მივხვდით, რომ ერთმანეთი გვიყვარდა. არ ვცდილობთ ერთმანეთი შევცვალოთ, ისეთი მიყვარს როგორიცაა და მასაც ანალოგიური დამოკიდებულება აქვს ჩემ მიმართ. საოცრად კომფორტული, თბილი და

ყურადღებიანი ადამიანია, უყვარს თავისი პროფესია, რაც ძალიან მიხარია. იმასაც გაგიმხელთ, რომ ხელოვანია'' - ამბობდა ანი, რამდენიმე თვის წინ ჩვენთან საუბრისას.

ერთი კვირის წინ, მსახიობთან ინტერვიუ კიდევ ერთხელ ჩავწერეთ. საიდანაც შევიტყვეთ, რომ ანის საქმრო რეჟისორი გახლდათ და სადედამთილოსთან მსახიობს ძალიან კარგი ურთიერთობა ჰქონდა.

ინტერვიუს დაბეჭდვიდან დაახლოებით ერთ კვირაში ანიმ ლევან ბარამიძეზე ვიწრო წრეში ჯვარი დაიწერა. ჯვრისწერის დეტალების გასარკვევად ანისთან დაკავშირება ვცადეთ, მაგრამ ტელეფონი გამორთული ჰქონდა.

სავარაუდოდ, ახალდაქორწინებული წყვილი თაფლობის თვით ტკბება.  ''რეიტინგის'' სახელით ანის გაბედნიერებას ვულოცავთ.

ქეთი მელაძე
სპეციალურად ''რეიტინგის'' საიტისთვის