როგორც ჩვენმა რესპონდენტმა გვითხრა, მთელი ოჯახი გახარებულია ამ სასიამოვნო სიახლით და ძირითადად მომავალი დედის განებივრებაზე არიან ორიენტირებული. სალომეს ამ ახალი ამბის შესახებ რამდენიმე კითხვა დავუსვით:
სალომე:
- სამი თვის ორსული ვარ, გოგოს ველოდებით. ჩემი ქმარი ძალიან ბედნიერია, ორი ბიჭი
- სახელი შერჩეული ხომ არ გაქვთ?
- კი, ჩემი დედიკოს სახელს, თიკოს დავარქმევთ.
- ალბათ, ორსულობამ გეგმები შეგიცვალა, ახლა სად ისვენებ?
- არა, შენ წარმოიდგინე. ისევ ისე ვაგრძელებთ ცხოვრებას, როგორც დაგეგმილი გვქონდა, ახლაც თურქეთში ვართ და ვისვენებთ.
- რამდენად პრეტენზიული ორსული ხარ, ქმარს ღამღამობით მარკეტში ხომ არ აგზავნი?
- არა, კარგი გოგოები ვართ და კარგად ვიქცევით. რაც შეეხება ქმარს, ისედაც ყველაფერს მიკეთებს და ამაზე მეტის მოთხოვნა უკვე თავხედობაში ჩამეთვლება. ბავშვები კი დიდი სიხარულით ელოდებიან დაიკოს დაბადებას.
ციცი ომანიძე
სპეციალურად ''რეიტინგის'' საიტისთვის
