ცოტა უფლის შეგეშინდეთ ადამიანებო, ვიდრე ვინმეს განსჯიდეთ ბუქა რობაქიძის დედა ია მეტრეველი სოციალურ ქსელში გააკრიტიკეს, რადგან ''ფეისბუქზე'' ატვირთულ რამდენიმე ფოტოზე ია გაღიმებული იყო და ლამაზად გამოიყურებოდა.

ზოგიერთის აზრით დედა, რომელსაც შვილი აღარ ჰყავს, ასე ჩაცმული და გაღიმებული არ უნდა ყოფილიყო. ამ კომენტარების გამო ია მეტრეველმა სოციალურ ქსელში საგანგებო განცხადება გააკეთა:

''ჩემო მეგობრებო , როგორც ვატყობ, დიდი აჟიოტაჟი გამოიწვია ამ ჩემმა ფოტო. მინდა, გითხრათ, რომ ეს სურათი ჩემი ერთდერთი დისშვილის ქორწილშია გადაღებული და თავს უფლება მივეცი, ამ დღეს მაინც არ ვყოფილიკავი ჩაშავებული და ჩემი გაზდილი დისშვილისთვის, ვისთვისაც ვაგრძელებ სიცოცხლეს, არ ჩამემწარებინა ეს ბედნიერი დღე.



ასე რომ, ვისაც ძალიან გული დაგწყდათ ჩემი გაღიმების და ცოტაოდენი სიხარულის გამო, მინდა გითრხრათ, რომ ისევ ისე შავად მაქვს გულიც და სიცოცხლეც, როგორც პირველივე დღეს ჩემი ერთადერთი შვილის, ჩემი ბუტიკოს უბედურების დროს მქონდა და ასე ვიქნები მთელი დარჩენილი ცხოვრება.

მე ყოველთვის განსაკუთრებული დედა ვიყავი და ასეთივე განსაკუთრებული შვილიც გავზარდე, რითიც ვამაყობ, ვინც მე მიცნობს, ეს ყველამ კარგად იცის.

ცოტა უფლის შეგეშინდეთ ადამიანებო, ვიდრე ვინმეს განსჯიდეთ. ნუ განიკითხავთ და თქვენც არ იქნებიტ განკითხულნი''.

სალომე დადიანი