„სკანდალებს რომ ეძებ გამუდმებით, ახლა რატომ არ მეკითხები, ვინ მომტეხა ფეხი?..“ ეს კვირა იმდენად ხმაურიანი აღმოჩნდა „კომედი ჯგუფისთვის“, ორი დღე ზედიზედ მომიწია „რუსთავი 2“-ში მისვლამ. ჯერ იყო გიორგი აფციაურის პრესკონფერენცია, შემდეგ ბაკურ სვანიძესთან სტუმრობა „ტვ პალიტრაზე“.
ერთი სიტყვით, წესით არც ისე კარგ ხასიათზე უნდა ყოფილიყვნენ კომედიანტები, თუმცა გიორგი აფციაურის მიერ პრესკონფერენციაზე გაჟღერებულმა ნიკა გრიგოლიას ცემის ამბავმა ისე შემაშფოთა, ტელევიზიის ფოიეში ყავარჯნებით მოსიარულე ნიკა არაბიძე რომ დავინახე, გულზე შემომეყარა.
ამასობაში ალეკო მალხაზიშვილიც გამოჩნდა ფოიეში. ეს ჩვენ, „სექტის წევრებმა“ ვცემეთო, განმიმარტა, რასაკვირველია, ხუმრობით.

- სკანდალებს რომ ეძებ გამუდმებით, ახლა რატომ არ მეკითხები, ვინ მომტეხა ფეხი?.. - შემომიტია სავარძელზე მოკალათებულმა ნიკა არაბიძემ.
- სწორედ ახლა ვაპირებდი, გცემეს ხომ?
- (იცინის) აბა ბიჭო, დამალურჯეს.
- რა მოგივიდა, არ გვეტყვი?
- სკეტჩის დროს მოვიტეხე ფეხი.
- რა სკეტჩი იყო ასეთი?
- სატრენაჟორო დარბაზში ვიღებდით, ისეთი არაფერი, ეტყობა ელასტიკური ვერ გამოვდექი.

ნინო მჭედლიშვილი

სპეციალურად „რეიტინგის“ საიტისთვის