მსახიობის ახლობლები ამბობენ, რომ მიშა არავის დაუპატიმრებია და შესაბამისად, ამიტომაც დასეირნობდა თავისუფლად თვითმფრინავის დაჯდომის შემდეგ დღევანდელმა გაზეთმა ''ყველა სიახლემ'' სკანდალური მასალა გამოაქვეყნა მსახიობ მიშა მესხის შესახებ. სტატიაში მოთხრობილია, რომ მინსკი-თბილისის რეისის მგზავრები მსახიობმა უშვერი სიტყვებით გალანძღა. აკრძალვის მიუხედავად, მას თვითმფრინაშვი სიგარეტის მოწევა მოუნდა და თვითმფრინავის პერსონალიც შეურაცხყო.

მესხის შესახებ ამ ამბავს რეისის ერთ-ერთი ქართველი მგზავრი, თამარ ხარატაშვილიც ადასტურებს, რომელიც აცხადებს, რომ მიშა მესხი გინებას არ დასჯერდა და სალონში სიგარეტის მოწევაც გადაწყვიტა. თვითმფრინავის დაჯდომის შემდეგ ის პოლიციას გადასცეს, თუმცა მოგვიანებით მგზავრებმა თავისუფლად მოსეირნე ნახეს და გაკვირვებას გამოთქვამდნენ, რომ მსახიობი ამ საქციელის გამო არ დააკავეს.

''რეიტინგის'' საიტი თავად მსახიობს დაუკავშირდა, რომელმაც ამ თემაზე კომენტარის გაკეთება არ ისურვა. მხოლოდ ის დაგვიდასტურა, რომ მინსკში ფილმის გადაღებებზე იმყოფებოდა. მოგვიანებით, შევძელით მისი საახლობლოდან ინფორმაციის გაგება. როგორც აღმოჩნდა, მესხს თავად კი არ მოუწევია სიგარეტი, არამედ სხვა ქართველი ბიჭი ეწეოდა, მას პასპორტის ჩამორთმევით ბორტგამცილებლები დაემუქრნენ, რის შემდეგაც მიშა მესხი ამ ბიჭს გამოექომაგა.

ამას მოჰყოლია აურზაური სალონში და ქართველ მგზავრებსა და მსახიობს შორის სიტყვიერი შეურაცხყოფის გაცვლა-გამოცვლა. ბორტგამცილებლებს საჩივრის წერილი დაუწერიათ, რომელიც თვითმფრინავის დაჯდომის შემდეგ მიშა მესხს დაუხევია. მსახიობის ახლობლები ამბობენ, რომ მიშა არავის დაუპატიმრებია და შესაბამისად, ამიტომაც დასეირნობდა თავისუფლად თვითმფრინავის დაჯდომის შემდეგ.

ნინო მურღულია
ჟურნალი ''რეიტინგი''