"20 ივლისს გავაწერეთ ხელი და ოფიციალურ ქორწინებაში აღარ ვიმყოფებით. ძალიან მტკივა და ძალიან მიმძიმს ამ თემაზე საუბარი. შესაბამისად, თავს ვიკავებ დანარჩენი კომენტარებისგან.
ერთი რამ შემიძლია ვთქვა, რომ წარმატებული კარიერა და ოჯახი პარალელურ რეჟიმში მხოლოდ ძალიან ძლიერი ქალების ხვედრია ან
ზედმეტად დაკავებული ცოლი არცერთ ქმარს არ მოსწონს და როგორც ჩანს, მერე უკვე სხვა პროცესები იწყება მის ცხოვრებაში. მე მას წარმატებას ვუსურვებ. ჩვენი თანაცხოვრების ორ წელიწადში ბევრი კარგი რამ იყო. მე შევეცდები, ამ სტრესიდან გამოვიდე, იმიტომ, რომ ჩემთვის ეს ნამდვილად დიდი სტრესია.
დაშორების გადაწყვეტილება ერთობლივად მივიღეთ. თავდაპირველად, მე მივიღე და ცხადია, ჩემს მიღებულ გადაწყვეტილებაზე უარის თქმა აღარ გამოვიდოდა".
ლალი მოროშკინას თქმით, მისთვის ეს არის ცხოვრების ტრაგედია.
ლალი მოროშკინა მძიმე მდგომარეობაშია. თუმცა ამბობს, რომ ღირსეულად შეხვდება მის ცხოვრებაში მომხდარ ამბავს. ჟურნალისტებს სთხოვს თავი შეიკავონ ამ ამბით ზედმეტად დაინტერესებისგან.
"მძიმე მდგომარეობაში ვარ. ნამდვილად ვერ ვიტყვი, რომ ეს ჩემთვის არაფერს ნიშნავდა და მარტივი ამბავია. ძალიან რთულია. ძალიან მძიმეა. მე არც ისეთ ასაკში ვარ და არც იმ მდგომარეობაში, რომ შემეძლოს ყურადღების გადატანა რაღაც ფერად-ფერად ამბებზე. შესაბამისად, ეს ჩემთვის არის ცხოვრების ტრაგედია.
ლალი მოროშკინა და ირაკლი ჯაფარიძე ორი წლის წინ დაქორწინდნენ. ეს მოროშკინასთვის მესამე ქორწინება იყო.
სალომე დადიანი
