არადა, ბოლო ორი დღის განმავლობაში ზოოპარკის დირექტორი გვარწმუნებდა, რომ ქუჩაში აღარ არის არც ერთი მტაცებელი.
სტიქიის შემდგომ პერიოდში ცხოველთა დამცველები აქტიურად გამოდიოდნენ სამართალდამცველთა წინააღმდეგ და აპროტესტებდნენ ზოოპარკიდან გაქცეული ცხოველების ხოცვას. საზოგადოების მეორე ნაწილი კი ამას გამართლებულად
თავად ზურაბ გურიელიძემაც არაერთხელ განაცხადა, რომ ტრანკვილიზატორი მხოლოდ 4-5- წუთის შემდეგ იწყებს მოქმედებას და თუ მხეცი აგრესიულია, სხვა გზა არ იქნებოდა დარჩენილი გარდა მისი ლიკვიდაციისა.
„ლაგუნა ვერესთან“ დატრიალებული ტრაგედიის შემდეგ სოციალური ქსელი აფეთქდა სხვადასხვა სტატუსით.
„ცხოველების ყველა დამცველმა გამასწარით აქედან, ცხოველებიც და ზოგადად ბუნებაც ძალიან მიყვარს, მაგრამ მიყვარს უღრან ტყეებში და გალიებში და არა ქუჩებში. მარაზმამდე მიდიხართ. საძილე ტრანკვილიზატორები 4-5 წუთში იწყებს მოქმედებასო, როცა ერთ წუთში ცხოველი ადამიანს ერთ ლუკმად გადაყლაპავს, არაადეკვატურებო…“ - წერს „ფეისბუქის“ ერთ-ერთი მომხმარებელი.
სალომე გოგიაშვილი კი მიიჩნევს: „ლომი თავს დაესხა მამაკაცს და დაუგლეჯია. „ლაგუნა ვერეს“ ტერიტორიაზე ის ზოოპარკის დირექტორი მინდა რა ახლა, გუშინ ფოცხვერზე რომ თქვა, არ გვყოლია საერთოდ და გეჩვენებათო და ეს ვეფხვიც მაგისი არ არის?!“
კიდევ ერთი „ფეისბუქის“ მომხმარებელი წერს: „როგორ არ შემიძლია ეს კომპიუტერთან რბილად და თბილად მჯდომი „ცხოველთა დამცველები“, იმ სპეცრაზმელის და პატრულის დედას ვკითხოთ აბა როგორაა? შვილი მხეცებს რომ დასდევს შუა ქალაქში… ადამიანის სიცოცხლე უზენაესი ღირებულება იყო, არის და იქნება!!!
ნებისმიერი მეთოდითა და ხერხით უნდა განეიტრალდეს ყველაფერი, რაც ჩვენს და ჩვენი შვილების სიცოცხლეს საფრთხეს უქმნის. დაგეწესებინათ უქმე დღეები, თუ მხეცები გარეთ დარბოდნენ, მანქანების ნაკადიც შემცირდებოდა და ხალხსაც ეცოდინებოდა, რომ საშიშია გარეთ გასვლა!!!
დ ა ი ჭ ი რ ე თ მ ხ ე ც ე ბ ი, რ ა, გ ვ ე შ ი ნ ი ა !!!
ქეთი მელაძე
