"X ფაქტორის" შემოქმედებითი ჯგუფი მწუხარებას გამოხატავს და სამძიმარს უცხადებს თბილისში სტიქიური უბედურების დროს დაღუპულთა ოჯახებს და მომხდართან დაკავშირებით სპეციალურ განცხადებას ავრცელებს.

,,13 ივნისს, თბილისში მომხდარი სტიქიის გამო, "რუსთავი2"-ის სატელევიზიო პროექტ " X ფაქტორის" დღევანდელი ლაივკონცერტი გადაიდო. გუშინვე გაუქმდა დაგეგმილი გენერალური რეპეტიცია - პროექტის მონაწილეები, წამყვანები, შემოქმედებითი და ტექნიკური ჯგუფის წევრები, მოქალაქეობრივი პასუხისმგებლობისა და სოლიდარობის გამო, მეორე დღეა აქტიურ მონაწილეობას იღებენ ქალაქის დასასუფთავებლად და დაზარალებულთა დასახმარებლად დაგეგმილ ღონისძიებებში. " X ფაქტორის" ყველა მონაწილე და არხის საერთაშორისო პროექტების განყოფილების შემოქმედებითი ჯგუფი ღრმა მწუხარებას გამოთქვამს სტიქიის დროს დაზარალებულთა გამო და სამძიმარს უცხადებს დაღუპულთა ოჯახებს".