ღონისძიებაზე საქართველოს მთავრობის წევრების დიდი ნაწილი ოჯახის წევრებთან ერთად იმყოფებოდნენ. მათგან განსაკუთრებული ყურადღება თბილისის მერის, დავით ნარმანიას მეუღლემ - თიკა თინიკაშვილმა მიიპყრო, ამის მიზეზი კი მისი ჩაცმულობა გახდა.
თიკას ყოველთვის გამორჩეულად აცვია, როგორც ამბობენ, მხოლოდ ერთ დიზაინერს ენდობა და თავისი ესკიზები სტუმრობს ხოლმე.
ამჯერად არჩევანი შაბიამნისფერზე გააკეთა, თუმცა მის ჩაცმულობას ისეთი გამოხმაურება მოჰყვა, რომ ლამის
თუმცა მალევე გაირკვა, რომ ასევე შაბიამნისფერ სამოსში იყვნენ გამოწყობილები უმრავლესობის კიდევ ორი წევრი - ეკა ბესელია და მანანა კობახიძე. პოლიტიკოს ქალბატონებს ქვეყნის მთავარი მოსამართლე ნინო გვენეტაძეც შეუერთდა...
''ფეისბუქის'' მომხმარებლები ხუმრობენ და ეჭვს გამოთქვამენ, რომ საქართველოში შაბიამნის ახალი პარტია შემოიტანეს.
ზოგიც ვარაუდობს, რომ ბიძინა ივანიშვილმა პოლიტიკოს ქალბატონებს დამოუკიდებლობის დღის აღსანიშნავად აჩუქა ფირუზისფერი ქსოვილი. მათაც ბიზნესმენს ხათრი ვერ გაუტეხეს და ზოგმა პიჯაკი, ზოგმა კაბა და ზოგმაც შარვალი შეიკერეს.
ამ ვერსიებიდან შესაძლოა, მართალი არცერთი არაა, მაგრამ ფაქტია, რომ დამოუკიდებლობის დღეს უმრავლესობის წარმომადგენელი ქალბატონების უმრავლესობა, ერთი ფერის სამოსში იყვნენ გამოწყობილი.
ახალ პოლიტიკურ მოდას არ აღიარებს ღარიბაშვილის მეუღლე. ნუნუკა თამაზაშვილი შავ-თერ ფერებში გადაწყვეტილ პიჯაკში იყო გამოწყობილი. მარგველაშვილის მეუღლე მაკა ჩიჩუა კი დამოუკიდებლობის დღის აღსანიშნავად გამართულ აღლუმზე არ გამოჩენილა.
სალომე დადიანი
