ლიზა ყენია, ხალხმა შეიყვარა გადაცემიდან ,,ერთი-ერთში." ლიზა ,,X ფაქტორშიც" გამოჩნდა და მეორე ტურში გადავიდა. მისი დანახვისას გავიფიქრე, რომ გამარჯვება თუ არა, პროექტში დარჩენა მაინც გარანტირებული ჰქონდა და ამ ეტაპზე სცენაზეც მხოლოდ ზრდილობის გულისთვის (ფორმატის დასაცავად) გამოიყვანეს.

ლიზამ ნორმალურად იმღერა, თუმცა მიუხედავად გამოცდილებისა, ჟიურისთან და მაყურებელთან კონტაქტი უჭირდა. შეიძლება, ფართო აუდიტორიის წინაშე ძალიან ინერვიულა.

როგორც აღმოჩნდა, სხვა ბევრმა კონკურსანტმა უკეთესად გაართვა თავი მიცემულ დავალებას.

ანრი: მიჭირს ობიექტური ვიყო. სუბიექტურ ჩარჩოებში ვექცევი მაინც.

თამთა: ვოკალურად მეტს ველოდი.

გიორგი: ანრისგან განსხვავებით მე შემიძლია ობიექტური აზრი დავაფიქსირო, რადგან აქამდე ლიზას არ ვიცნობდი.
საბოლოო ჯამში ყველამ ერთხმად გადაწყვიტა, რომ ეს არ იყო საუკეთესო შესრულება და ლიზა სახლში გაუშვეს.

თათული ღვინიანიძე