მომღერალი ნინი ქარსელაძე ბოლო დროს დედის - ხათუნა ჟორდანიას წინააღმდეგ აგორებულ კამპანიას, რომ ჟიური პროექტ ''ორ ვარსკვლავში'' ქულებს უმატებს, სოციალური ქსელის საშუალებით პასუხობს:

''არ გამოვირჩევი ინტერნეტსივრცეში სტატუსების წერით, მაგრამ არ შემეძლო, იმ სიბინძურეზე ჩემი კომენტარი არ გემეკეთებინა, რასაც სამშაბათის მერე ვკითხულობ...

კიდევ ერთხელ დავრწმუნდი, რომ საქართველოში იმხელა სიბინძურე და ბოღმაა, რომ პროექტებში მონაწილეობის მიღება ძალიან დიდი შეცდომაა...

პროექტი "ორი ვარსკვლავი" ჩემთვის მხოლოდ და მხოლოდ დასაფასებელია იმით, რომ მისი მუსიკალური ხელმღვანელი არის რუსა მორჩილაძე...

ამდენი სიბოროტე, ამდენი შური, ამდენი ბოღმა, როგორ შეგიძლიათ, რომ წეროთ ადამიანებზე, რომლებიც იხარჯებიან და მთელ თავიანთ ენერგიას დებენ იმაში, რომ კვირაში ერთხელ თქვენ წინაშე წარსდგნენ?!

რაც შეეხება დედაჩემს, მეგობრობა თუ ის არის, რომ პროექტის დაწყებისთანავე ქულებს აკლებს ჟიური, მაშინ არაფერს ვიტყვი... მაგრამ ხათუნა და გიო ჩემი აზრით, დამსახურებულად დარჩნენ პროექტში!!! (სუბიექტურობის გარეშე)!

ვისაც რამე პრეტენზია გაქვთ სულ არ მაინტერესებს, სულ არ არის თქვენი აზრი და დამოკიდებულება მნიშვნელოვანი, იმ ხალხის რომელსაც (ელემენტარული მუსიკალური განათლებაც არ აქვთ)!

დამშვიდდით და თქვენ საქმეს მიხედეთ რა! მაგრამ ყველაზე ძალიან მცხვენია, იმ ახლობლების, რომლებიც დედაჩემს ნერვებს უშლიან თავიანთი ვითომ კომპეტენტურობით! გთხოვთ, ჩაეხსნათ ჩემ ყველაზე ნიჭიერ დედას''! - წერს ნინი

სალომე დადიანი