რეიტინგში რამდენიმე წლის ერთი საინტერესო რუბრიკა გვქონდა, სადაც ცნობილი ადამიანები თავიანთ საყვარელ კერძებზე და მისი მომზადების რეცეპტებზე გვესაუბრებოდნენ.

მაშინ ლელა მებურიშვილი ამბობდა, რომ ჭამა არ უყვარს და ხანდახან იმაზეც უფიქრია, რომ 

ნეტა დასანაყრებელი აბები იყიდებოდეს. არ უყვარს მწვადი და ხინკალი. ''არ ვარ ადამიანი,

რომელიც ჩებურეკსა და ოსტრს შეჭამს'' - ამბობს ლელა. 

არ მოსწონს კერძების სახელებიც, მაგალითად, ჩიხირთმა, ბოზბაში, ყაურმა. უყვარს სალათები,

ტკბილეული, ხილი, ნაყინი, კანფეტები, შოკოლადი. 

ამჯერად თავისი საყვარელი სალათის რეცეპტი გაგვიმხილა. 

ლელა:

- პირველ რიგში, დაბალ ცეცხლზე ზეთში მოთუშავთ წვრილად დაჭრილ ხახვს, დაუმატებთ გახეხილ სტაფილოს და გააგრძელებთ თუშვას, მერე დაუმატებთ ძალიან წვრილად დაჭრილ ბადრიჯანს და ეს უკანასკნელი რომ დაიბრაწება, გამორთავთ ცეცხლს.

ცალკე მოხარშავთ ბრინჯს და ცივ წყალს გადაავლებთ. მოათავსებთ თასში და დაუმატებთ მოთუშულ ბოსტნეულს.

ბოლოს შეაზავებთ მარილით, პილპილითა და სუნელებით (უცხო სუნელი და ქინძი უხდება), ძალიან გემრიელი, მსუბუქი და სასარგებლო კერძია. უპუროდაც შეგიძლიათ მიირთვათ.