მოდელი და ტელე-რადიო წამყვანი გიორგი ნაზღაიძე, ახალი მთავრობის მიერ მიღებული კანონებით აღშფოთებას ვერ მალავს. მისი გაღიზიანება, პარლამენტში ერთ-ერთ კანონპროექტზე ჯარიმების გაზრდის ინიცირებას მოჰყვა.
ნაზღაიძემ ''ფეისბუქის'' საკუთარ გვერდზე აღშფოთებულმა დაწერა:
''დღევანდელი პარლამენტი და მთავრობა განიხილავს ჩოხა უნდა ეცვათ თუ არა პარლამენტის სხდომაზე, პრეზერვატივი ხორკლიანი თავით უნდა იყოს თუ არა, სერიალები რომელ საათზე უნდა გადიოდეს, პარლამენტის შენობა
მაინტერესებს, ეს არის ქვეყნის პრობლემები? ამის გამო აირჩია ხალხმა დღევანდელი მთავრობა? შთაბეჭდილება მრჩება და გული მიგრძნობს მაგრად დაგვენძრა!!! სამწუხაროა მხოლოდ ის რომ ჩვენი ფული მათ უმოქმედობაში და უვიცობაში მიდის ხელფასის სახით!!!''
ერთ-ერთი ''ფეისბუქელი'' მეგობრის კომენტარს, რომ წინა მთავრობა ჩვენი ფულით ცოცხებს ყიდულობდა და მისი დანიშნულებაც არ იცოდნენ, ამას ხორკლიან პრეზერვატივებზე მოკამათე ჩოხიანი პარლამენტარები სჯობია, ნაზღაიძემ უპასუხა:
''ნუ ჩავიხვევთ ცოცხებს, რადგან არავინ ამბობს, რომ ისინი კარგები იყვნენ, დღევანდელ რეალობას ვღაღადებ, და ცოცხებს რაც შეეხება, რუსეთი კარს მოგვადგა ცოცხებით, მაგრამ ამას ჯერ ვერ ვხედავთ''.
აქვე შეგახსენებთ, რომ გიორგი ნაზღაიძე ერთ-ერთია, რომელიც ვანო მერაბიშვილის მხარდამჭერ კლიპში ''თავისუფლება ვანოს'' მონაწილეობს და ნაციონალების გენერალური მდივნის დაკავებას აპროტესტებს.
ქეთი მელაძე
სპეციალურად საიტისთვის
