რა დამაინტრიგებელი კითხვაა რეპერმა გვანცა ბაგრატიონმა რამდენიმე საათის წინ მიხეილ სააკაშვილის თოჯინასთან ერთად გადაღებული ფოტო გამოაქვეყნა. ფოტომ სოციალურ ქსელში დიდი ინტერესი გამოიწვია. გვანცას რამდენიმე კითხვით მივმართეთ.

- გვანცა, მიხეილ სააკაშვილის თოჯინა შეიძინე, თუ გაჩუქეს?
- რა დამაინტრიგებელი კითხვაა. ბიძაჩემმა მაჩუქა.
- როგორ ფიქრობ, ასეთ საჩუქარზე არჩევანი რატომ გააკეთა?
- იცოდა, რომ მიხეილ სააკაშვილი მომწონდა და პატივს ვცემდი და იმიტომ მაჩუქა.
- ფოტო სადაა გადაღებული?
- დაქალთან.
- ამერიკის დროშა სპეციალურად ამ ფოტოს გადაღებისთვის გააკარით, თუ უბრალოდ

ასეთი კუთხე აქვს?
- სურათისთვის გავაკარით, მოუხდა.
- თოჯინა ისე გყავს ჩახუტებული, დარწმუნებული ვარ, მას შენს ბინში განსაკუთრებულ ადგილს მიუჩენ.
- კი, ჩემს ოთახში საპატიო ადგილას არის.
- გაქვს ინფორმაცია, ვინ გააკეთა? თოჯინა მღერის ან რამეს ამბობს?
- სამწუხაროდ, არ ვიცი, ვინ გააკეთა. ხელს რომ მიაჭერ, იცინის.
- სხვა პოლიტიკოსის თოჯინებიც გაქვს?
- მაქვს ბიძინა ივანიშვილისა და ბერა ივანიშვილის თოჯინები.
- ისინიც მოგწონს და პატივს სცემ?
- კი.
- უცნაურია. ორი დაპირისპირებული ადამიანი ერთნაირად რომ მოგწონს და პატივს სცემ.
- მე პოლიტიკური მიმართულებით არ ვამბობ. როგორც ადამიანები მომწონს და ვაფასებ. მე თვითონ სათამაშო ვარ და სათამაშოები მიყვარს(იცინის).
- თოჯინას რომ გეძახიან, ალბათ იმას გულისხმობ.
- დიახ(იცინის).