გადაცემის წამყვანებიდან მისი ცრემლების დანახვაზე ყველაზე მეტად დუტა სხირტლაძე შეწუხდა ''იმედის კვირაში'' პატრულის მაგინებელ ეკა ყუშიტაშვილის ამბები სკანდალურად გაგრძელდა. ეკამ ''იმედის კვირასთან'' კომენტარში აღიარა, რომ დავით ცინარიძეს მართლაც იცნობდა, თუმცა პირდაპირ ეთერში ჩართვისას უარყო თავისივე ნათქვამი.

მერე კი ცრემლებით მოიხადა ბოდიში უცენზურო სიტყვების ხმარებისთვის. ''მე ერთ ადამიანს ვაგინე და მთელმა საქართველომ მე მაგინაო'', - ამბობდა თვალცრემლიანი ეკა.

გადაცემის წამყვანებიდან მისი ცრემლების დანახვაზე ყველაზე მეტად დუტა სხირტლაძე შეწუხდა და ცდილობდა, ეკა გაემხიარულებინა. ბოლოს გოგონამ ჩართვა ''სულ თელავია, სულ გულავია'' ფრაზით დაამთავრა. მისმა ნათქვამმა ყველა გაახალისა, თუმცა მათ შორის არ იყო ნანიკო ხაზარაძე, რომელიც ბოლომდე ამბობდა, რომ გინება მისთვის მიუღებელი იყო და კითხვაზე თავად შეუგინებია თუ არა, აღნიშნა, რომ მხოლოდ დახურულ სივრცეში იგინება.

გადაცემის ეთერში გასვლიდან მეორე დღეს სოციალურ ქსელში ძალიან ბევრმა ''დღის შოუს'' ძველი ჩანაწერი გაიზიარა, სადაც წამყვანები ია ფარულავა, ნანიკო ხაზარაძე და დოდო ხურცილავა იყვნენ და ია ფარულავა და ნანიკო უცენზურო სიტყვებით მიმართავენ ერთმანეთს. ნანიკო ბოლოს იას სიცილით ეუბნება ''იდი, ნა ხ…ი''.

''ეს აკაჩავებდა ეკას გადაცემაში?'' - წერდნენ სოციალურ ქსელში. როგორც ჩანს, ნანიკოს აღარ ახსოვდა მისი და იას სკანდალური საუბარი.

სალომე დადიანი