პროექტ ''ერთი ერთში'' გამარჯვებული სალომე ბაკურაძე გახდა. ფინალისტთა შორის იყვნენ ნინი წიკლაური, რომელმაც მეორე ადგილი დაიმსახურა, თემო საჯაია და ნუკა კვალიაშვილი, რომელიც მეოთხე ადგილზე გავიდა.
სოციალურ ქსელში და მათ შორის პროექტის ''ფეისბუქის'' გვერდზე ბევრი წერს, რომ უსამართლობა მოხდა და გამარჯვებული ნუკი უნდა გამხდარიყო. კომენტარი ვთხოვეთ ნუკის დედას-მომღერალ ეკა კვალიაშვილს, რომელიც მომხდარით აშკარად უკმაყოფილოა და დარწმუნებულია, ნუკი საქართველოში კონკურსებში მონაწილეობას აღარ მიიღებს. შეგახსენებთ ნუკიმ საქართველოში მესამე პროექტში
- ეკა, თქვენი კომენტარი გვაინტერესებს ''ერთი ერთშის'' ფინალზე. ძალიან ბევრი წერს, პროექტის ''ფეისბუქის'' გვერდზე, რომ ნუკის უნდა მოეგო. თქვენ როგორ შეფასებდით ფინალს?
- ნება მომეცით, საერთოდ არ ვიმსჯელო ამ თემაზე. ერთი კი ნამდვილად ვიცი, ნუკა საქართველოში კონკურსებში მონაწილეობას აღარ მიიღებს და საერთოდ ვფიქრობთ, მალე ქვეყნიდან წასვლას და შემოქმედების განვითარებას. რადგან ''ერთი ერთის'' გვერდზე ამდენი ადამიანი წერს, რომ ნუკას უნდა მოეგო, ე.ი. საზოგადოებამ აზრი დააფიქსირა.
- რომელ ქვეყანაში ფიქრობთ გამგზავრებას?
- ოოო, ამას წინასწარ არავის ვეტყვით.
- ჟიურიმ ნუკას პირობა დაადებინა, რომ საკუთარ კარიერაზე ზრუნვას გააგრძელებდა და ისიც აღნიშნეს, რომ მას ძალიან დიდი შესაძლებლობები აქვს.
- ეს ჩემზე კაგად ვინ იცის? მაგრამ, რომ ხედავენ და აღნიშნავენ, უკვე ძალიან სასიამოვნოა და დასტურია ჩემი შეხედულების და კომპეტენტურობის.
- როგორ ფიქრობთ, რატომ არ აისახა, მისი შესაძლებლობები, რომ გაემარჯვა?
- არ ასახეს (იცინის).
- გამარჯვებულ, სალომე ბაკურაძეს როგორ შეაფასებდით?
- კარგი და ნიჭიერი გოგოა და ვულოცავ გამარჯვებას. ბევრ წარმატებას ვუსურვებ.
მერი კობიაშვილი
