აშკარაა, ეკა ბესელიას ინგლისურის შემდეგ ახლა მისი ჩაცმულობა გახდება გასართობი გადაცემების მთავარი თემა შობის დღესასწაულზე, ალილოს მონაწილეებთან შესახვედრად გასულ ეკა ბესელიას ჩაცმულობას სოციალურ ქსელში დიდი გამოხმაურება მოჰყვა. ''ფეისბუქზე'' საშობაო მილოცვების პარლამენტარის ფოტოების გაზიარება მოსდევს რეიტინგით და სავარაუდოდ დღის ბოლოს გაუსწრებს კიდეც.

მსგავს აჟიოტაჟს მხოლოდ ყოფილი კულტურის მინისტრის მოადგილის მარინა მიზანდარის ჩაცმულობა იწვევდა ხოლმე. უცნაურად ჩაცმულთა რიცხვს ერთი პერიოდი ნანუკა ჟორჯოლიანიც შეუერთდა, მაგრამ მხოლოდ მცირე ხნით.

ეკა ბესელიას ბევრი ფიფქიას ადარებს. ზოგი კი გაოცებული კითხულობს, რა გიკვირთ, ასეთია ტრადიცია, შობას თეთრებში გამოწყობილი უნდა შეხვდეო. თამარ ჩერგოლეიშვილი კი წერს, რომ პარლამენტარი შეგნებულად მოიქცა ასე. ბესელიას ჩექმით ტურიზმის ჩავარდნა გადაფარეს, სხვა ახსნას ვერ ვპოულობო.

აშკარაა, ეკა ბესელიას ინგლისურის შემდეგ ახლა მისი ჩაცმულობა გახდება გასართობი გადაცემების მთავარი თემა. თავად ეკა მსგავს ხუმრობებს და შენიშვნებს, აქამდე ხუმრობით ხვდებოდა და ''ქერის უბანში'' მის მულტიპლიკაციურ გმირზეც პარლამენტის სხდომაზე ბევრჯერ იხუმრა.

სავარაუდოდ ბესელიას ამჯერადაც მოუწევს ხუმრობით მაინც იმის ახსნა, თუ რატომ შეაჩერა შობას არჩევანი თეთრი ფერის ჩექმასა და ქურთუკზე.

ბესელიას ჩაცმულობაზე იხუმრა დეპუტატმა გოგა ხაჩიძემ:

თუმცა თოვლი არ მოვიდა,
ვერც მთავრობამ შექმნა,
მაგრამ მაინც გადაგვპენტა
ბესელიას ჩექმამ.








იხილეთ ასევე

სალომე დადიანი