''ერთგულების ტესტი'' ზურა ხაჩიძემ ბაკურიანში გაიარა ''მარაო რუსთავი'' 2''-ზე ''ერთგულების ტესტი'' აგრძელებს პოპულარული ადამიანების მახეში გაბმას. ამჯერად მომღერალი ზურა ხაჩიძე ამოარჩიეს. მისი ცდუნება კი რუსული ''ფლეიბოის'' ქართველ მოდელ თამუნა ვაშალომიძეს ანდეს.

''ერთგულების ტესტი'' ზურა ხაჩიძემ ბაკურიანში გაიარა. ყვლაფერი ისე განვითარდა, რომ ზურას მეუღლის - ხათუნა ჟორდანიას შეფასებით საახალწლოდ შეიძლება ოჯახი დაენგრეს.

ზურა აშკარად გაება მახეში, რადგან თამუნა ვაშალომიძესთან, რომელთან ერთადაც ბაკურიანში მეზობელ სასტუმროში ვითომ შემთხვევით აღმოჩნდა, მალე დამეგობრდა და მათ შორის აშკარა ფლირტი დაიწყო. გადაცემის ანონსი იმით მთავრდება, რომ თამუნა და ზურა ერთ საწოლში აღმოჩნდებიან.

ზურა ერთადერთია ჯერჯერობით, რომელმაც როგორც ანონსიდან ჩანს ''ერთგულების ტესტს'' ვერ გაუძლო. არადა მომღერალმა წლების წინ სხვა გადაცემების მიერ დადგმული რამდენიმე მსგავსი ტესტი წარმატებით ჩააბარა.

სალომე დადიანი