გუშინ სოციალურ ქსელში ერთ-ერთმა საიტმა გაავრცელა ინფორმაცია რომ, მომღერალი ეთერ კაკულია გარდაიცვალა. არც ვიცი რა დავარქვათ მათ, ვისაც ასეთ თემებზე ხუმრობა შეუძლია, ან მათ ვინც ამას იმისთვის აკეთებს, რომ საიტის რეტინგი გაზარდოს.

ქალბატონი ეთერი კარგად არის და მორიგი გამოკვლევისთვისა და ქიმიო თერაპიისთვის ისრაელში წასასვლელად ემზადება.

- ქალბატონო ეთერ, როგორ ხართ?
- კარგად საყვარელო, ხმა მეცნობა, მაგრამ საიდან ეგ აღარ მახსოვს.
- ნინო ვარ მჭედლიშვილი, „რეიტინგიდან“.
- ნინო, ჩემო კარგო, შენ როგორ ხარ? იცი როგორა ვარ, მოხუცი კაცი რომ ეუბნება მეორე მოხუცს, ქალებში რომ დავდიოდით კი მახსოვს, მაგრამ რისთვის დავდიოდით ეგ აღარ მახსოვსო.
- ვარსკვლავის გახსნა მინდა მოგილოცოთ...
- არ მოხვედი, ნინო? ეგ როგორ დაგემართა, იცი რა კონცერტი იყო? ახლა უკვე ვარსკვლავგოგონა ვარ, ხომ იცი.
- ასეთი იყავით სულ.
- აბა, რაა. ახლა ისრაელში წასასვლელად ვემზადები, კვირის ბოლოს წავალ ალბათ, რაღაც გამოკვლევები დამრჩა, ხმა კი მაქვს, მაგრამ იმის ქვევით რა მაქვს, უკვე აღარ ვიცი. ქიმიო თერაპიაც უნდა გავიკეთო. სულ ვეჩხუბები ჩემ თავს, ეთერი, რატომ გახდი ავად-მეთქი (იცინის).
- ყველაფერი კარგად იქნება. რომ ჩამოხვალთ გინახულებთ.

ნინო მჭედლიშვილი