ეს სანახაობა დღეიდან იწყება დღეს ''რუსთვი 2''-ის ეთერში ''ნიჭიერის'' პირველი გადაცემა გავა. მაყურებელი სხვა საინტერესო ნომრებთან ერთად ბევრ თამამ მონაწილეს ნახავს. წლევანდელ კონკურსში არაერთი უცხოელი მონაწილეობს. ეპატაჟურ, თამამ ნომრებს უცხოელ კონკურსანტებზე მეტად ქართველი მონაწილეები გვთავაზობენ. სიშიშვლე დიდი დოზით იქნება წლევანდელ ''ნიჭიერში''. ჩვენ პროექტის ჟიურის ერთ-ეთ წევრს, ია ფარულავას დავუკავშირდით და ვკითხეთ, რას უნდა ელოდოს მაყურებელი დღევანდელი გადაცემიდან.

ია ფარულავა:

- ''ნიჭიერმა'' ამ ოთხი წლის განმავლობაში დაამტკიცა, რომ არის რეიტინგების მეფე, სახალხო პროექტი და სანახაობრივი გადაცემა. აუცილებლად უნდა უყუროთ დღეს ''ნიჭიერს'', იმიტომ რომ ძალიან მაგარი პროექტია, ძალიან მაგარი წამყვანები და ძალიან მაგარი ჟიური ჰყავს. რაც მთავარია, წელს ნახავთ გამორჩეულ კონკურსანტებს, გამორჩეულ ნომრებს, გამორჩეული ნიჭის პატრონებს. წელს ყველაზე მეტი უცხოელი კონკურსანტი გვყავს.
- როგორც ვიცი, დღევანდელი გადაცემა რამდენიმე ეპატაჟურ ნომერს მოიცავს, როგორ ფიქრობ, გარკვეულწილად ეს ხომ არ გააღიზიანებს მაყურებელს?
- არ მგონია, ჩვენი მაყურებნელი რაღამ უნდა გააღიზიანოს? თავისუფალია ჩვენი მაყურებელი, გახსნილი, ყველაფრისთვის მზად არის, ასე მგონია.
- მათ შორის სიშიშვლისთვის?
- თუნდაც. ინტერნეტის ეპოქაში ვცხოვრობთ, ერთ წამში ნებისნიერი ვიდეოს მოძიება და ნახვა შეგიძლიათ. რა პრობლემაა, ვერაფრით ვეღარ გააკვირვებ დღეს მაყურებელს. ან სად იყო შიშიშვლე? მე იქ შიშველი კაცი არ დამინახავს, თქვენ თუ დაინახეთ, არ ვიცი.
- დავინახე, როიალის უკან.
- აა, ტომასს გულისხმობთ? ეგ როიალს ამოეფარა. აი, პირსახოციანი ბიჭები კი მართლაც შიშვლები იყვნენ. ხალხი დაიღალა ამდენი ნეგატივით, გართობა სჭირდება, მხიარულება, სანახაობა. და ეს სანახაობა დღეიდან იწყება.

ნინო მჭედლიშვილი