ამხელა სცენარი სასწავლი არ მქონია რეჟისორი ოთარ შამათავა ახალ სერიალზე მუშაობს. სერიალს ტელეკომპანია ''იმედზე'' ვიხილავთ. გავრცელდა ინფორმაცია, რომ ახალ სერიალში კესარია აბრამიძე მთავარ როლს ითამაშებს. კესოს რამდენიმე კითხვით მივმართეთ.

- კესო, გავიგეთ, რომ სერიალში თამაშობ?
- ''ფსიქოპატთა თამაშები'' ასე ჰქვია სერიალს და ჩემი გმირი ლამაზი, სექსუალური ქალია. ძალიან საინტერესო სერიალია. ჩემი გმირი მეშვიდე სერიიდან შევიდა. გადაღებების პროცესი მხიარული და საინტერესოა.
- სერიალს როდის ვიხილავთ?
- ჯერ არ ვიცი.
- ეს შენი პირველი როლია?
- რაღაცებში ვარ გადაღებული, მაგრამ ამხელა სცენარი სასწავლი არ მქონია.
- გაგიჭირდა?
- ჯერ მხოლოდ რეკლამა გადავიღეთ და არ ვიცი, მერე რა იქნება.
- ცოტა რამ გვიამბე შენს გმირზე.
- ჩემი გმირი ცოტათი მგავს, თუმცა საერთო ჯამში აბსოლუტურად სხვა ვიქნები.
- თქვენს შორის მთავარი მსგავსება რა იქნება?
- ის, რომ ბევრი თაყვანისმცემელი ჰყავს.

მერი კობიაშვილი