- გვანცა, ბოლო დროს ''ფეისბუქზე'' ძალიან გულახდილ ფოტოებს აქვეყნებ. ასეთი მკერდი ბუნებრივად გაქვს?
- ვარჯიშის შედეგია, დიახ, ბუნებრივად მაქვს. ნეტა პლასტიკური ოპერაციის ფული მომცა და ვარჯიშით თავს არ მოვიკლავდი.
- რა ვარჯიშებს აკეთებ, შეგიძლია გაგვიმხილო?
- ყველანაირს. მკერდისთვის სპეციალური ვარჯიშებია, რომელიც მკერდის კუნთებს
- როგორ უნდა ივარჯიშონ პატარა მკერდი ვისაც აქვს, რომ მსგავსი შედეგი მიიღოს?
- მკერდის ფორმას გააჩნია. მე პატარა მქონდა და პატარა მაქვს, მაგრამ ფორმა მქონდა ყოველთვის მრგვალი და აწეული. დაწოლილ მდგომარეობაში ჰანტელებით უნდა ივარჯიშონ. ხელები გაშალონ და ჰანტელები ზევით აწიონ, რაც შეიძლება ბევრჯერ.
- დღეში რამდენ საათს ვარჯიშობ?
- ორი საათი მაქვს გამოყოფილი ვარჯიშისთვის.
- სხვა მხრივაც ჯანმრთელი ცხოვრების წესით ცხოვრობ?
- რა თქმა უნდა, არასდროს მომიწევია სიგარეტი და არ დამილევია ალკოჰოლური სასმელი. კვებითაც ძალიან წუნია ვარ. ხორცს არ ვეკარები 12 წელია.
- გვანცა, ქორწილი აღარ გექნება, რომელსაც ჯერ კიდევ ზაფხულში გეგმავდი?
- გვექნება, როცა საჭიროდ ჩათვლის ჩემი მეუღლე.
- უკვე გათხოვდი?
- უბრალოდ ქორწილი, ქეიფი და ამბები არ გვქონია. ჯვარი დავიწერეთ.
- ვინ არის შენი მეუღლე?
- მე არ მივცემ თავს უფლებას რომ ვთქვა, სანამ თავად არ ჩათვლის საჭიროდ.
- ცოტა დაუჯერებელია, რომ გათხოვდი, არც ჯვრისწერის ფოტოები გაქვს. მერე საიტზე კომენტარებს დაწერენ, რომ იტყუები.
- არ მაინტერესებს მკითხველები რას იტვიან. იმასაც წერდნენ, რომ კაცი ვარ ქალად გადაკეთებული და ასე შემდეგ… თუ არ სჯერათ, ნუ დაიჯერებენ. როგორც უნდათ, ისე ჩათვალონ. თავიანთ ცხოვრებას მიხედონ.
- ბერა ივანიშვილს სიმღერა რომ მიუძღვენი, ამის გამო ხომ არ გაბრაზდა მეუღლე?
- არა, მაშინ შეყვარებულიც კი არ მყავდა.
- ახლა ბერა ამერიკაში წავიდა, მის შემოქმედებას ადევნებ თვალს?
- არა.
- მომავალში სიმღერას მეუღლეს მიუძღვნი?
- შეიძლება. ახლანდელი სიმღერა რაც მალე უნდა გამოვაქვეყნო, ''ქავერია'' და მას ქართულად მივუძღვნი სიმღერას.
- სოციალურ ქსელში გულახდილ ფოტოებს რომ აქვეყნებ, ხომ არ აპროტესტებს?
- არა, მერე ვშლი ხოლმე. ცოტა ხნით ვდებ. ჩემს გვერდზე თავადაც შემოდის და თუ უნდა, წაშლის.
მერი კობიაშვილი
