დღეს ანუკიმ ''ფეისბუქის'' საკუთარ გვერდზე ახალი სტატუსი გამოაქვეყნა. როგორც ჩანს, მათი ტანდემი დაიშალა. მიზეზებზე დაწვრილებით ყოფილი მოდელი და დამწყები დიზაინერი დაწვრილებით საუბრობს.

ანუკი არეშიძისა და ბიჭოლას დიზაინერული ტანდემი რამდენიმე წელს ითვლის. ანუკი პირველად როგორც დიზაინერი ბიჭოლასთან ერთად წარსდგა საზოგადოების წინაშე. ბიჭოლას უცნაური იმიჯის გამო მაშინდელი ფეხბურთელის მეუღლე ხშირად ეხვევოდა ტელე-სკანდალებში. კახა კალაძის გამინისტრების შემდეგ ანუკიმ და ბიჭოლამ კიევში საფირმო მაღაზიაც გახსნეს.
ანუკისა და ბიჭოლას მეგობრობას ხშირად აკრიტიკებდნენ. რამდენჯერმე ჭორიც გავრცელდა, რომ კალაძეს მათი მეგობრობა არ მოსწონდა, თუმცა ამას ორივე მხარე უარყოფდა. ფოტოებიც ადასტურებდა, რომ ბიჭოლა იგივე ანზორ თეთრაძე კალაძე-არეშიძის ოჯახის ახლო მეგობარი გახლდათ.
დღეს ანუკიმ ''ფეისბუქის'' საკუთარ გვერდზე ახალი სტატუსი გამოაქვეყნა. როგორც ჩანს, მათი ტანდემი დაიშალა. მიზეზებზე დაწვრილებით ყოფილი მოდელი და დამწყები დიზაინერი დაწვრილებით საუბრობს.
''ძვირფასო მეგობრებო, ძალიან ბევრი მწერს და მეკითხება რა ხდება ბრენდ  Anouki Bicholla-ს გარშემო. ცხოვრების ყველა ეტაპს ახლავს სიახლე, ამ სიახლეს სირთულეები, ჩვენ სამი წელია ერთად ვართ და ამ ბრენდმა ძალიან ბევრს მიაღწია. თუმცა სამწუხაროდ დადგა მომენტი რომ აზრთა სხვადასხვაობის გამო ჩვენ გადავწყვიტეთ ცალ-ცალკე გავაგრძელოთ მოღვაწეობა, ვიმედოვნებ სწორად გაიგებთ და ამ ამბისგან საკუთარი პიარით არ დაკავდებით. ცოტა რთული კარიერული პერიოდი გვაქვს თუმცა ჩვენ კარგი მეგობრები ვართ. ყოველთვის მზად ვიქნებით ერთმანეთის დახმარებისთვის. მაღაზია კიევში აგრძელებს მუშაობას და იქ წარმოდგენილი იქნება ქართველი დიზაინერების და უკვე anouki-ს და bicholla-ს სამოსიც. მე ამ სფეროში ვრჩები და მხოლოდ ჩემი სახელით ვაგრძელებ მოღვაწეობას. ბიჭოლას კი უდიდეს წარმატებას ვუსურვებ ცხოვრების ახალ და ძალიან მნიშვნელოვან ეტაპზე!

ქეთი მელაძე
სპეციალურად საიტისთვის