ვყოფილვარ ბევრ მსგავსი ტიპის ფესტივალზე ბევრი სირთულის და პროტესტის მიუხედავად ''კაზანტიპი'' ანაკლიაში მაინც ჩატარდება. ორგანიზატორები დაუვიწყარ დღეებს გვპირდებიან. თუმცა კამათი იმის შესახებ, უნდა იმართებოდეს თუ არა საქართველოში მსგავი ტიპის ფესტივალი, დღემდე არ წყდება. ''კაზანტიპთან'' დაკავშირებით ვესაუბრეთ კლუბური ცხოვრების მოყვარულ კესარია აბრამიძეს.

- კესო, შენი აზრით ანაკლიაში ''კაზანტიპის'' ფესტივალი უნდა ჩატარდეს?
- რა თქმა უნდა, უნდა ჩატარდეს, იმისთვის, რომ ხალხი ცოტა გამოფხიზლდეს.
- გამოფხიზლებაში რას გულისხმობ?
- მსგავსი ტიპის ფესტივალები უნდა ტარდებოდეს, რადგან ჩვენი კლუბური ცხოვრება ძალიან ჩამორჩენილია და აუცილებელია, რომ განვითარდეს.
- აპირებ ფესტივალს დაეწრო?
- რა თქმა უნდა. კლუბური ცხოვრება გადაბმულად დამღლელია, მაგრამ ერთი ორი დღით შეიძლება გაერთო.
- ''კაზანტიპის'' ბილეთები უკვე გაქვს?
- მეგობარმა ბიჭმა ამიღო, ოღონდ ჯერ არ გადმოუცია.
- ალბათ იცი, რომ ეკლესია ამ ფესტივალის ჩატარებას ეწინააღმდეგება. ფიქრობენ, რომ ''კაზანტიპი'' გარყვნილების პროპაგანდა იქნება.
- მერე რა, ეს ბუნებრივიცაა. გარყვნილების პროპაგანდა ბევრგანაა, მაგრამ არ კრძალავენ.
21-ე საუკუნეში ვცხოვრობთ და ვვითარდებით. ეკლესიურად კლუბში სიარულიც ცოდვაა.
- ფიქრობენ, რომ ფესტივალმა შეიძლება ნარკოტიკების მომხმარებელთა რიცხვი გაზარდოს საქართველოში.
- მე არ ვამბობ, ანაკლიაში ნარკოტიკები უნდა ეყაროს, მაგრამ ფესტივალის ჩატარებას დადებითად ვუყურებ.
- ზოგმა გააპროტესტა ფესტივალი, რადგან არ უნდოდათ, სექსი პლაჟზე ენახათ. პირადად შენ რას ელი ამ ფესტივალისგან? რატომ გინდა, რომ დაესრწრო?
- ჯერ გადავხედავ ვინ რამდენად გახსნილი და ენერგიული იქნება და იმის შემდეგ მოვიფიქრებ.
- დასწრებიხარ ყირიმში ''კაზანტიპს''?
- ვყოფილვარ ბევრ მსგავსი ტიპის ფესტივალზე. ანაკლიაში ჩატარებული ''კაზანტიპი'' ჩემთვის უცხო არ იქნება.

მერი კობიაშვილი