გადაცემა „ეტალონი“ ამჯერად „იმედის კლინიკას“ და მის ყველაზე გამორჩეულ თანამშრომლებს - წარმატებულ ექიმებს მიეძღვნა. „იმედის კლინიკა“ იუბილარია - მას 10 წელი უსრულდება და სწორედ ამ იუბილეს მიეძღვნა „ეტალონის“ სპეციალური გადაცემა.

მუსიკალური ნუმერიც სიურპრიზი აღმოჩნდა - ლამაზი ქართული სიმღერა „იმედის კლინიკის“ დამფუძნებლის და ხელმძღვანელის დავით კობეშავიძის შვილიშვილმა ანა კობეშავიძემ შეასრულა.

მეორე ტურში წამყვანთან ერთად რამდენიმე კითხვა კლინიკის დამფუძნებელმა და ხელმძღვანელმა დავით კობეშავიძემ დასვა და იუბილარ კლინიკაზე, მის საქმიანობაზე ისაუბრა.

მეტად საინტერესო პირველი და მეორე ტურების შემდეგ, სადაც ექიმებმა საკუთარი ინტელექტი გამოამჟღავნეს და თავის კლინიკაზე, ურთიერთობებზე, განვლილ წლებზე ისაუბრეს, ფინალში დამსახურებული ექიმი, ერთადერთი თავისი პროფესიის წარმომადგენლებს შორის, ვისაც საკუთარი ვარსკვლავი გაუხსნეს გივი მაყაშვილი, ასევე გია გაბრიჩიძე და იზა ბაჯელიძე გავიდნენ.

საბოლოოდ ამ მხიარულ ინტელექტუალურ ასპარეზობაში გამარჯვება იზა ბაჯელიძემ მოიპოვა. მას საჩუქრდა ისრაელის სახელმწიფოს სახელით დაწესებული პრიზი - ნოუთბუქი გადაეცა. კლინიკის ხელმძღვანელებმა კი სამივე ფინალისტი კოსმეტიკური პროდუქციით დააჯილდოვეს.