არა, აზრი არ შემიცვლია, მაგრამ ბავშვის გაჩენაზე ერთი წუთითაც არ დავფიქრებულვარ. ეს ღმერთის საჩუქარია. ძალიან გვიხარია მეც და ჩემს ქმარსაც. ''საქართველოს ვარსკვლავის'' მონაწილის ნუკა გვალიას ''ფეისბუქის'' გვერდზე უცნაური ფოტო ვნახე წარწერით, ''მომილოცეთ, დედა ''ვიჩითები'', შოკური მდგომარეობა გვაქვს მე და ჩემს ბიჭს''. ბიჭში ნუკა ქმარს, ნიკუშა კობახიძეს გულისხმობდა. მერე სურათსაც დავაკვირდი, ფოტო ნუკას ფეხმძიმობის ტესტისთვის გადაუღია, რომელზეც დადებითი შედეგია დაფიქსირებული. ნუკას დავურეკე და ამ ახალი სასიამოვნო ამბის შესახებ ვკითხე.
- ნუკა, პირველ რიგში, გილოცავ ამ ახალ,

ნამდვილად სასიამოვნო ამბავს. შოკირებული ვარო, ''ფეისბუქზე'' წერდი, რატომ? არ იყო ეს თქვენს გეგმებში?
- არა, უბრალოდ, დავიბენი, პირველი შვილია, ემოციები ვერ დავმალეთ.

- მანამდე სიმპტომები გქონდა თუ რატომ ჩაიტარე ტესტი?
- არანარი, არც გული წამსვლია და არც გულის ფრიალი მქონია, ძლიერი ორგანიზმი მაქვს, ეტყობა.
- მე მახსოვს შენი ერთ-ერთი ინტერვიუ, სადაც ამბობდი, ჯერ თვითონ ბავშვები ვართ მე და ჩემი ქმარი, თვითონ ვართ გასაზრდელები, რა დროს ჩვენი შვილიაო. შეიცვალე აზრი?
- არა, აზრი არ შემიცვლია, მაგრამ ბავშვის გაჩენაზე ერთი წუთითაც არ დავფიქრებულვარ. ეს ღმერთის საჩუქარია. ძალიან გვიხარია მეც და ჩემს ქმარსაც.
- როგორ შეატყობინე მეუღლეს ეს ამბავი?

- ტესტის პასუხი ვაჩვენე. თავიდან ვერ მიხვდა, რას ვაჩვენებდი (იცინის), მაგრამ მერე ყველაფერი გასაგები გახდა. მომილოცა.
- შენს მეუღლეს, ალბათ, ბიჭი უნდა...
- ჰო, მე - გოგო. ვნახოთ ვინ ქნება.

სპეციალურად საიტისთვის