იაპონიის ელჩთან ერთად სტუდიაში იმყოფებოდა მისი მეუღლე ჰარუე კაიტანი გადაცემა „ეტალონი“ ამჯერად ქუთაისის აკ. წერეთლის სახელობის სახელმწიფო უნივერსიტეტის გამორჩეულ სტუდენტებს მიეძღვნა. სტუდენტებს სტუდიაში უნივერსიტეტის პროფესორ-მასწავლებლები და რექტორი - ირაკლი ღავთაძე გულშემატკივრობდნენ.

წამყვანთან ერთად სტუდენტებს რამდენიმე კითხვა „ეტალონის“ საპატიო სტუმარმა, იაპონიის საგანგებო და სრულუფლებიანმა ელჩმა საქართველოში ტოშიო კაიტანიმ დაუსვა და ქართულად ისაუბრა, სტუდენტებს წარმატებები უსურვა, განათლების მნიშვნელობა აღნიშნა და ქართულ-იაპონურ მეგობრულ ურთიერთობებს შეეხო.

ყველასთვის სიურპრიზი აღმოჩნდა ქუთაისელთა ანსამბლ „ადილას“ და იაპონიის ელჩის მიერ შესარულებული სიმღერა „თბილისო“.
იაპონიის ელჩთან ერთად სტუდიაში იმყოფებოდა მისი მეუღლე ჰარუე კაიტანი და ქართველოლოგი იასუჰირო კოჯიმა, რომელიც შესანიშნავად საუბრობს ქართულად და სწორედ მისი ნათარგმნია იაპონურ ენაზე ნოდარ დუმბაძის „მე, ბებია, ილიკო და ილარიონი“.

როგორ წარიმართა თამაში და რა საჩუქრები გადაეცა ყველა ფინალისტს მშობლიური უნივერსიტეტის სახელით, ამას შაბათს, 19 ივლისს შეიტყობთ.

„ეტალონი“ „პირველი არხის“ ეთერში 19:00 სთ-ზე დაიწყება.