- სალომე, კონკურსისის დატოვებამ მოგიწია, ხომ არ განიცდი ამ ამბავს?
- რა თქმა უნდა, გული დამწყდა, მინდოდა ხალხისთვის დიდხანს მემღერა, მაგრამ იქიდან გამომდინარე, რომ არასოდეს მიმუშავია პედაგოგთან, არანაირი გამოცდილება არ მქონია, ვფიქრობ, რომ ეს ძალიან
- მენტორებზე ხომ არ ხარ ნაწყენი, თვლი, რომ სამართლიანი გადაწყვეტილება მიიღეს, მებოს პოექტში დატოვებით?
- ნაწყენი არ ვარ ნამდვილად... რადგან მე და მებო მოვხვდით აუდსაიდერებში, ნამდვილად მე უნდა დამეტოვებინა პროექტი. ამიტომ ვფიქრობ, რომ ჩემსა და მებოს შორის სწორი არჩევანი გააკეთეს
- სტეფანეს როგორ დაემშვიდობე, რა გითხრა კონცერტის დასასრულს?
- მითხრა, რომ ძალიან მაგარი გოგო ვარ, ძალიან ვუყვარვარ და წინ დიდი მომავალი მაქვს.
- სალომე, დედა ყველაზე დიდი გულშემატკივარი იყო შენი, როგორ შეხვდა ამ ამბავს?
- ძალიან განიცადა, კულისებში რომ ვნახე თვალები ცრემლიანი ჰქონდა, მაგრამ ცდილობდა ჩემთვის არ დაენახვებინა. ვფიქრობ, რომ ჩემით ნამდვილად ამაყობს, მისი რეაქცია ბუნებრივიც იყო, ძალიან რთულია ალბათ მშობლისთვის მსგავსი ფაქტის ადვილად გადატანა, მაგრამ ყველაფერი ხდება. ამით არც იწყება და არც მთავრდება ცხოვრება. დედამ კარგად იცის რომ ფარხმალს არასოდეს დავყრი, ბუნებით მებრძოლი ადამიანი ვარ და ისიც იცის, რომ ჩემი კარიერისთვის და წინსვლისთვის მთელი ცხოვრება ვიბრძოლებ.
- რას აპირებ, როგორ და სად გაგრძელდება შენი კარიერა?
- ჯერ არ ვიცი ნამდვილად... მინდა ცოტა დავისვენო. საკმაოდ რთული ყოფილა პროექტში ყოფნა, დიდ ნებისყოფასა და მუშაობას მოითხოვს. ამასთან ერთად დიდი ფსიქოლოგიური სტრესია. ამიტომ ცოტას დავისვენებ, განვიტვირთები და აუცილებლად მოვიფიქრებ რამეს. უსაქმოდ ყოფნა არ მიყვარს და მინდა იმით დავკავდე რაც სიამოვნებას მანიჭებს და რაზეც ვაპირებ ჩემი მომავლის აგებას.
ნინო მჭედლიშვილი
ჟურნალი ''რეიტინგი''
