ამ საინტერესო თამაშს შაბათს, 21 ივნისს „პირველ არხზე“ იხილავთ. „ეტალონი“ 17:00 სთ-ზე დაიწყება. 21 ივნისის „ეტალონი“ თერჯოლის რაიონის სხვადასხვა სკოლის ყველაზე წარმატებულ მოსწავლეებს დაეთმოთ. მონაწილეებს თერჯოლიდან ჩამოჰყვა ანსამბლი „მასპინძელო“, რომელმაც ქართული ხალხური სიმღერა „ჰარირა“ შეასრულა.

როგორც ადრე გამოცხადდა, „ეტალონის“ გაზაფხულის სეზონის ყველაზე მაღალქულიან გამარჯვებულს თბილისის სატრანპორტო კომპანია სტიპედიას უნიშნავდა. სატრანსპორტო კომპანიის ერთწლიანი, ყოველთვიურად 200-ლარიანი სტიპენდიის მფლობელი ცაგერის რაიონის სოფელ ბარდნალის საჯარო სკოლის მოსწავლე მარიამ ჩარკვიანი გახდა, რომელსაც სატრანსპორტო კომპანიის წარმომადგენლებმა მიხეილ ჭელიძემ და თამაზ რობაქიძემ საზეიმოდ გადასცეს საბანკო ბარათი და წარმატებები უსურვეს.

თერჯოლელთა თამაშს საპატიო სტუმრის სტატუსით ჩინეთის სახალხო რესპუბლიკის საგანგებო და სრულუფლებიანი ელჩი საქართველოში იუე ბინი ეწვია, მან წამყვანთან ერთად რამდენიმე კითხვა დაუსვა მონაწილეებს და გამარჯვებული საელჩოში სტუმრად მიიწვია.

ამ საინტერესო თამაშს შაბათს, 21 ივნისს „პირველ არხზე“ იხილავთ. „ეტალონი“ 17:00 სთ-ზე დაიწყება.