აუტსაიდერებში კი მარიამ კუბლაშვილი დასახელდა. მეორე აუტსაიდერი მიშა მესხი გახდა, რომელიც საბოლოო შედეგების გამოცხადებას არ დაელოდა და შოუ დატოვა. ''დავიღალე კიდეც და ისეთი რაღაცებიც ხდება, რაც არ მომწონს. არ მაინტერესებს სიაფანდი შედეგები'' - თქვა და წავიდა. ინგა გრიგოლია
შევეცადეთ გაგვერკვია, რა მოხდა რეალურად. მიშა მესხის მეწყვილემ ჯულიანა ბარგ-ნარმა არ მოინდომა კომენტარის გაკეთება. ჯერ ვერაფერს ვიტყვიო, გვითხრა. ვესაუბრეთ მზია ორველაშვილსაც, რომელმაც მიშასთან ერთად იცეკვა და მაღალი შეფასებებიც დაიმსახურა. მზიამ ჩვენთან საუბარში აღნიშნა, რომ დღის განმავლობაში მიშა კარგ ხასიათზე იყო და მისგან ასეთ საქციელს არავინ ელოდა.
მიშას მეუღლის ია სუხიტაშვილის ''ფეისბუქზე'' მეგობარმა შემდეგი შინაარსის სტატუსი დაწერა.
''ია, ყოჩაღ მიშას. საამაყოა ნამდვილად! ყველა ეგრე რომ იქცეოდეს, შოუები დაემსგავსებოდა სათანადო შოუებს. გულით ბრავო!'' სტატუსს იას კომენტარი მოჰყვა, ''მადლობა და აბსოლუტურად გეთანხმები ყველაფერში''.
მოკლედ, ჯერჯერობით არავის არ უნდა ნამდვილი მიზეზზე საუბარი და ყველაფერი გაუგებარი რჩება. საინტერესოა, რატომ წავიდა მიშა ახლა.
თუ შოუში ბევრი რამ არ მოსწონდა, გასულ ტურში, როდესაც ვეტო გამოიყენეს და მიშა და ჟულიანა დატოვეს, ეს ამბავი რატომ გაუხარდა, რომ ჯერ ვეტოს გამომცხადებელს გოჩა ჩერტკოევს შეახტა ზურგზე და მერე რეკლამის გასაკეთებლად მისულ ანრი ჯოხაძეს. იმედია, მალე ყველაფერი გაირკვევა და ''ცეკვავენ ვარსკვლავების'' მაყურებელს ''სიაფანდ შედეგებთან'' დაკავშირებით ეჭვები არ ექნება.
სალომე დადიანი
სპეციალურად საიტისთვის
