გუშინ "რუსთავი 2''-ის ეთერში კახი კალაძემ ნინო ბურჯანაძე გააკრიტიკა. კალაძემ ქალბატონ ნინოს ბრალი დასდო, რომ 2011 წლის 26 მაისს, "ნაციონალურმა მოძრაობამ'' კორიდორი გაუკეთა და ისე დატოვა არეულობის დროს, რუსთაველი.

შემდეგ კი, დაზარალებულებს ყურადღებაც არ მიაქცია. კალაძის განცხადებას ბურჯანაძის უმცროსი ვაჟი რეზიკო ბიწაძე სოციალური ქსელის საშუალებით გამოეხმაურა.

"კახი! ვის არ მოუკითხავს ხალხი 26 მაისს?! 17 წლის ასაკში ზონა-ზონა "პერედაჩებზე'' რომ დავრბოდი ფეხით (ეს მარტო მე), ვინ მყავდა ცოცხალი ვინ მკვდარი წესიერად არც ვიცოდი!

რა გალაპარაკებს ამდენს, რომ დაგვიჭირეს და გადაგვიარეს მაშინ შენ არმანის ნიფხავში წამოგორებული იღებდი სურათებს იტალიაში! სპეცრაზმმა გამოიყვანა ბურჯანაძეო სააკაშვილის გარდა არავის არ უთქვამს ეგ სისულელე და იმანაც ერთხელ და მეორედ ვეღარც გაიმეორა.

ბოლოს და ბოლოს რამდენიმე ასეულმა კაცმა უყურა მარტო ჩვენი მხრიდან ვინ როგორ გამოვიდა. მის ადგილზე ეჭვი მაქვს ტირილით გამოვარდებოდი იქედან. ვიცე-პრემიერი ხარ კანავაროსთან ერთად კი არ ხარ იახტაზე, რომ ჭორაობ ორღობის დედაკაცივით.

სალომე დადიანი
სპეციალურად საიტისთვის