უფ, რამდენი რამე უნდა მოვყვე, თქვენ არ იცით დაახლოებით ორი თვის წინ მომღერალ ეკა კვალიაშვილს საგანგაშო ვირუსი დაუდგინეს, ნეიროვირუსული ინფექცია. მომღერლის მეგობრები ეკა ხოფერიას გადაცემაში შეიკრიბნენ და ტელემარათონი გამართეს. ეკა კვალიაშვილმა აღებული თანხით საფრანგეთში გამგზავრება და მკურნალობა შეძლო.

საფრანგეთიდან დაბრუნებულმა კი მისი ჯანმრთელობის მდგომარეობით დაინტერესებულ ჟურნალისტებს უთხრა, რომ უახლოეს მომავალში ბრიფინგის გამართვას აპირებდა და ყველაფერს მაშინ იტყოდა...

ხალხის ნაწილი დაინტერესდა, რატომ არაფერს ამბობდა თავისი ჯანმრთელობის შესახებ მომღერალი, რომელმაც სწორედ ხალხის დახმარებით შეძლო სამკურნალოდ გამგზავრება.

ეკას შვილმა ნუკა კვალიაშვილმა „ფეისბუქზე“ სტატუსი გამოაქვეყნდა. სტატუსის მიხედვით შეიძლება ვიმსჯელოთ, თუ რასთან დაკავშირებით გაიმართება ეკას ბრიფინგი.

„ბევრი მეკითხება, ეკა როგორ არის. ძალიან, ძალიან მალე დაგიწერთ ყველაფერს რა და როგორ არის. ასევე გაგიმხელთ „ჯეოსელის“, „ბილაინის“ და „მაგთის“ სირცხვილს.

უფ, რამდენი რამე უნდა მოვყვე, თქვენ არ იცით. ასევე მოტყუებული ხალხის ამბებსაც გეტყვით, რომლებსაც ეგონათ, რომ დასახმარებლად ჩარიცხეს ფული და ეს ფული დღემდე არ ჩარიცხულა ეკასთან და ბევრს ენა გადმოგდებული რომ აქვს და ტლიკინებს, მოგაკეტინებთ ყველა ეგეთს ძალიან მალე.

მხოლოდ საქართველოში: ადამიანის ცუდად ყოფნაზეც პიარს იკეთებენ ეს ახვრები. ფუი,
სამარცხვინოებო.....“

სალომე დადიანი
სპეციალურად საიტისთვის