სანამ კონჩიტა გამოჩნდებოდა, მანამდე გავიპარსე წვერი ფსიქოლოგი და ტელეწამყვანი გია ჯაჯანიძე ბოლო რამდენიმე თვე საზოგადოებაში წვერმოშვებული ჩნდებოდა. ბევრი ამბობდა, რომ წვერიანი ჯაჯანიძე რაღაცით ილია ჭავჭავაძეს ჩამოჰგავდა და თავად ტელეწამყვანისთვისაც ეს არაერთხელ უთქვამთ. ცოტა ხნის წინ გიამ დიდი ხნის შენახულ წვერზე უარი თქვა და მოიპარსა. სოციალურ ქსელში ხუმრობდნენ, რომ წვერის გაპარსვა ''ევროვიზიაზე''გამარჯვებული კონჩიტას გამო გადაწყვიტა.

- სანამ კონჩიტა გამოჩნდებოდა, მანამდე გავიპარსე წვერი. მეორეც, კონჩიტას ძეგლი უნდა დაუდგან, რომ ხალხს სალაპარაკო მისცა, გაახალისა და გამოაცოცხლა ადამიანები. წვერი იმიტომ მქონდა, რომ გიორგი ოვაშვილმა ფილმში გადამიღო. ეპიზოდური როლი მაქვს – ტყის კაცს ვთამაშობ და ამის შემდეგ გავიპარსე.
- წვერში ძალიან ჰგავდი ილია ჭავჭავაძეს...
- მერიდებოდა, როცა ამას მეუბნებოდნენ, მაგრამ თან მიხაროდა. ჩემი პირველი რეაქცია ის იყო, ილია ჭავჭავაძეს გონებრივად რომ დავმსგავსებოდი, ის უფრო საამაყო იქნებოდა.
- ძალიან ახალგაზრდულად გამოიყურები წვერის გარეშე.
- სახეს სარეცხის საპნით ვიბან. ეს საგვარეულო საიდუმლოა. ისეთ შთა-ბეჭდილებას ვტოვებ, რომ ძალიან ვუვლი თავს, ასეც არ არის, თუმცა სახე გამიწმენდია. მამაკაცმა თავს უნდა მიხედოს. შეიძლება, ძალიან კარგი პირო-ვნება იყო, მაგრამ ქალბატონები ესთეტიკურ მხარესაც აქცევენ ყურადღებას.
- შენი ზედმეტი გალამაზება პირად ცხოვრებაში მომხდარ სიახლეებს ხომ არ უკავშირდება?
- არა, წვერი ასაკს მმატებს, მაგრამ ახალგაზრდობის საიდუმლო განწყობაშია. თან სულ ახალგაზრდებთან მიწევს ურთიერთობა. შინაგანად იმდენად კარგად ვგრძნობ თავს, რომ ეს ჩემს გარეგნობაზეც აისახება. კეთილი ადამიანი ვარ. როგორც იცით, ''პალიტრა ტვ''-ს ეთერში ახალი გადაცემა ''1002 ღამე''დავიწყე, ახალი ენერგიით დავიმუხტე.

დიჯეი ბუკლე
ჟურნალი ''რეიტინგი''