მაყურებელი ყოველ ოთხშაბათს ინტერესით ელოდება მომღერლების მორიგ გარდასახვას პროექტი ''ერთი-ერთში'' სულ უფრო საინტერესო ხდება. მაყურებელი ყოველ ოთხშაბათს ''ჯდს''-ის ეთერში დიდი ინტერესით ელოდება მომღერლების მორიგ გარდასახვას. ქეთი ორჯონიკიძეს ყოველთვის განსხვავებული და რთული მომღერლის შესრულება უწევს. უკვე ორჯერ მოუწია პროექტში მამაკაცად გარდასახვა. დავინტერესდით რას ფიქრობს და რა გაუჭირდა ყველაზე მეტად პროექტ ''ერთი-ერთში'' ქეთის.

- ქეთი, პროექტში უკვე ორჯერ მოგიწია მამაკაცის როლის მორგება... ემინემად გარდასახვა უფრო გაგიჭირდა თუ პრინცად?
- ამ შემთხვევაში ვერ დავკონკრეტდები. იმდენად სხვადასხვა ჟანრის და სპეციფიკის მომღერლები არიან. ერთმანეთისგან განსხვავებული, თუმცა თავისი სირთულეებით დატვირთული ორი ნომერი იყო.
- როგორც მაყურებელს მგონია, რომ ემინემად გარდასახვა უფრო რთული იყო.
ბევრმა აღნიშნა, რომ მარტო ტექსტის დამახსოვრებაც კი რთული იქნებოდა.
- ტექსტი მართლაც იყო ოთხგვერდიანი. თუმცა ტექსტის სწავლაზე რთული, ამოსუნთქვის გარეშე ლამის ერთი გვერდის ჩამთავრება იყო. ემინემის და პრინცის მსმენელი არ ვარ, თუმცა მათ შემოქმედებას ვიცნობ და მიყვარს.
- როგორ ფიქრობ, პროექტში გამარჯვების შანსი რომელ მონაწილეს გაქვთ?
- თითქმის ყველას აქვს გამარჯვების შანსი. ვინაიდან არ იცი, რომელ ტურში რა მოხდება.
- პროექტში გამარჯვების შემთხვევაში ბინაში მარტო გადახვალ საცხოვრებლად?
- სანამ არ გადახტები ჰოპ არ დაიძახოო, ხომ გაგიგიათ.

მერი კობიაშვილი
სპეციალურად ''რეიტინგის'' საიტისთვის