პირად ცხოვრებას თავისი ადგილი აქვს, მაგრამ კარიერული განვითარება უფრო მნიშვნელოვანია ჩემთვის ''ნუ ეძებთ იდეალურ ქალს. ხვალიდან საქართველოში აღარ ვარ'' - ასეთი სტატუსი დაწერა კესარია აბრამიძემ 30 აპრილს ''ფეისბუქზე'' და აღნიშნა, რომ მიდიოდა იქ, სადაც სიყვარულია. კესარიას რამდენიმე კითხვით დავუსვით.

- რატომ მიდიხარ საქართველოდან?
- ქვეყანას დედოფალი სჭირდება, მაგრამ მაინც მივდივარ.
- წერ, მივდივარ, იქ სადაც სიყვარულიაო და როგორც ვხვდები, საყვარელ ადამიანთან ერთად მიდიხართ, თუ ვცდები?
- არ ცდები.
- შეგიძლია, გვითხრა მისი ვინაობა?
- არ შემიძლია.
- ის მაინც გვითხარი, ვიცნობთ მას ჟურნალისტები, ცნობილი ადამიანია?
- ვერც მაგას გეტყვი.
- რომელ ქვეყანაში აპირებთ წასვლას?
- ევროპაში მივდივართ.
- დაქორწინებას გეგმავთ?
- მაგას არ ვფიქრობთ. კომფორტულად ვარ მასთან. მთავარი ესაა... მე არ ვიცი, ვინ როგორ ფიქრობს, მაგრამ როგორც ადამიანს აქვს დადებითი და უარყოფითი მხარეები, ასე აქვს ჩვენ ქვეყანასაც და მე მიყვარს ჩემი საქართველო თავისი დადებითით და უარყოფითით. ძალიან მიყვარს ჩვენი ქალაქი და არანაირად არ მივდივარ იმიტომ, რომ კომფორტულად არ ვარ. კარგად ვარ, მაგრამ მინდა, შევცვალო რამე და ვიყო მასთან, ვისთან ერთადაც მინდა ყოფნა. კარიერული შემოთავაზებებიც მაქვს და ვნახოთ რა, როგორ წარიმართება. პირად ცხოვრებას თავისი ადგილი აქვს, მაგრამ კარიერული განვითარება უფრო მნიშვნელოვანია ჩემთვის.
- რა სფეროში მოღვაწეობ? რა პროფესია გაქვთ?
- სამოდელო სფერო და კინოხელოვნებაა ჩემი სფერო. ჩემი პროფესიით ჯერ არასდროს მიმუშავია.
- ბოლოს გკითხავ, რა აზრის ხარ, ბოლო დროს საქართველოში ატეხილ აჟიოტაჟზე. ვგულისხმობ, სექსუალურ უმცირესობასთან დაკავშირებით განვითარებულ მოვლენებს.
- ეს ყველაფერი მე არ მეხება. მე ქალი ვარ და საყვარელ ადამიანთან მივდივარ სასიყვარულოდ და დასასვენებლად. გარეთ ქუჩაში რა ხდება, ეგ ქუჩის ტრანსებს ჰკითხეთ.

მერი კობიაშვილი
სპეციალურად ''რეიტინგის'' საიტისთვის