ვასო  რამდენიმე წელი ვაკეში ახალაშენებული კორპუსის ერთ-ერთ ბინაში მარტო ცხოვრობდა გასულ კვირას, ცნობილი გახდა, რომ „კომედი შოუს“ მსახიობი ვასო ფხაკაძე შეყვარებული გახლდათ. მისი რჩეული კი 21 წლის მოდელი ლიკა მეტრეველია. ვასომ პრესასთან კომენტარისგან თავი შეიკავა.

ბოლო პერიოდში იუმორისტი ისედაც არიდებდა თავს ინტერვიუს მიცემას, თუმცა ვერავინ იფიქრებდა, რომ ამის მიზეზი მხოლოდ სიყვარული გახლდათ.

არადა, ვასოს დაოჯახებას მთელი საქართველო დაახლოებით ისე ელოდა, როგორც თავის დროზე ნინი ბადურაშვილის გათხოვებას. იუმორისტს ყველა შოუში სტუმრობისას და ინტერვიუში ეკითხებოდნენ რატომ არ მოყავდა ცოლი.

ვასო  რამდენიმე წელი ვაკეში ახალაშენებული კორპუსის ერთ-ერთ ბინაში მარტო ცხოვრობდა.

ლიკა 2012 წლის ვიცე მის საქართველოა. წყვილს შორის ასაკობრივი სხვაობა 16 წელია. წუხელ კი ლიკა მეტრეველმა „ფეისბუქის“ საკუთარ გვერდზე დაწერა, რომ ვასო ფხაკაძეზეა დაქორწინებული.

წყვილი რამდენიმე საათის წინ ანტალიაში გაემგზავრა, როგორ ჩანს, თაფლობის თვეს იქ გაატარებენ. ვულოცავთ ლიკას და ვასოს ოჯახის შექმნას და ბედნიერებას ვუსურვებთ.

სალომე დადიანი
სპეციალურად რეიტინგის საიტისთვის